Jon.- Jone, zuk Greenpeace-koa izaten segitzen al duzu?

Jone.- Zer?

Jon.- Greenpeace-ko bazkide izaten jarraitzen al duzun.

Jone.- Eta zertarako jakin nahi duzu?

Jon.- Ba proiektu bat aurkeztu behar diegulako.

Jone.- Proiektu bat, zuek Greenpeace-rentzako?

Jon.- Baietz ba!

Jone.- Beno, beno! Jarri egingo naiz, hau entzun egin behar dut.

Jon.- Ez dakit nola, egia esan, baina gure estudioaren berri izan dute eta kanpaina baten proiektua egiteko eskatu digute.

Jone.- Ander eta Zu Greenpeace-rentzako lanean. Baina, horiek badakit nori egin dioten enkargua?

Jon.- Zer ba? Aizu, gu profesional onak gara, e?

Jone.- Bai, bai, eta ONGn maitaleak.

Jon.- Beno, lehen ez didazu erantzun, bazkide izaten segitzen duzu edo ez?

Jone.- Ba baietz uste dut. Baina, zertarako jakin nahi duzu?

Jon.- Bazkide baten irudia erabiltzea pentsatu dugulako kanpaina honetarako.

Jone.- Bazkide bat?

Jon.- Bai.

Jone.- Ez. Benetan, Jon, nire irudia erabili nahi duzue?

Jon.- Baietz.

Jone.- Baina, kanpaina zertarako da?

Jon.- Bazkide berriak lortzeko! Bazkide ezberdinaren irudia erabili nahi dugu.

Jone.- Ba niri ez zait inporta agertzea.

Jon.- bale. Hala ere, gauzatxo bat esatea ahaztu zait lehen.

Jone.- Beno, ba bota.

Jon.- Narru bizian azaldu behar duzu.

Jone.- Biluzik, biluzik?

Jon.- Bai.

Jone.- Ez zait inporta.

Jon.- Benetan?

Jone.- Ez, niri ez zait inporta. Hombre, nire aita enteratzen denean, matoiak bidaliko ditu zu egurtzera.

Jon.- Beno, orduan argazkilariarekin hitz egin, eta zita egitea besterik ez zaigu falta, e?

Jone.- Ni bakarrik agertuko naiz?

Jon.- Proiektuan, bai. Onartzen badigute, bazkide gehiagorekin egin beharko dugu kanpaina berbera.

Jone.- Eta zeozer (zer edo zer) ordaintzen duzue?

Jon.- Zer?

Jone.- Ondo entzun duzu.

Jon.- Bai, ordaintzen dugu, bai. Baina zuk, bazkide zarenez eta den kausarako izanda, musu-truk egin beharko zenuke, ezta?

Jone.- Ba ez, majete, ez.

Jon.- Beno, orduan benetan ez zaizula inporta biluzik ateratzea?

Jone.- Ba ez dakit, baina, beitu ( begiratu), tontakeria bat irizten diodanez, beldur hori aldentzeko baino ez bada, egin egingo dut.

Jon.- Ba datorren asterako edo prestatuko dugu guztia. Landetako hondartza batera joan eta hantxe aterako ditugu argazki guztiak.

Jone.- Aizu, eta zein izango da kanpainaren lema?

Jon.- Lema? Ba sinplea eta eraginkorra: "Salbatu baleak".

Plasta!

Jon.- Ai! Mina egin didazu!