Jon.- Jone, Jone, begira zer erosi dudan, begira. Jone, non sartu zara?

Jone.- Hemen nago, sukaldean.

Jon.- Eske haraino ezin dut sartu honekin, etorri.

Jone.- Ai, ama! Baina zer erosi duzu, Jon?

Jon.- Begira, begira, begira. Ikusi, ikusi, surf-taula bat.

Jone.- Surf-tabla bat? Baina, honek surf autobusa ematen du eta!

Jon.- Long board bat da.

Jone.- Eta horrelako tabla tzarra pertsona bakarrarentzako da ala?

Jon.- Bai, eta gainera ikasteko erosoena omen da.

Jone.- Baina, Jon, zu hain sagutxoa izanda, zelan erosi duzu zuk surf-tabla bat?

Jon.- Oso merke zegoen, neska, merkeegi dendan uzteko.

Jone.- Orduan uda honetan surfer bat eginda ikusiko zaitugu, e?

Jon.- Hori da.

Jone.- Baina zuk, Jon, badakizu igerian ala?

Jon.- Zer graziosa zaren batzuetan, e? Eta zuk noiz ikasi zenuen ba igeri egiten?

Jone.- Ba txikitan.

Jon.- Eta herriko piszinan ikasiko zenuen, ezta?

Jone.- Ba bai. Zuk zer, zuk itsasoan ikasi zenuen, tiburoi artean.

Jon.- Ez, ez, nik ere piszinan ikasi nuen.

Jone.- Nik uste nuen kostakoek itsasoan ikasten zenutela.

Jon.- Nik behintzat ez. Nik gainera, egia esan, nahikoa berandu ikasi nuen, Salouko kanping batean zortzi urte nituela.

Jone.- Ba gure herrian ikasteko sistema nahikoa berezia genuen. Ikasten gindoazen heinean kolorezko itsas zaldi bat josten ziguten bainujantzian, judoan bezala.

Jon.- Eta zenbat itsas-zaldi izan zenituen zuk?

Jone.- Hiru.

Jon.- Hiru, e? Gurekin beste sistema bat zuten Saloun. Lau igeri-estilo daude, ezta, ba gainditu ahala maila igo egiten zizuten. Estilo bakarra, sardina; bi estilo menperatzen zituena, atuna; hirurekin, izurdea; eta laurekin, joder, laurekin Neptuno.

Jone.- Eta zu sardinan geratu zinen.

Jon.- Ez, ni atuna izatera iritsi nintzen.

Jone.- Eta igerian ikasteko burbujita erabiltzen zenuten zuek ere bai?

Jon.- Zer burbujita?

Jone.- Bai, burbujita, larrosa koloredun kortxo zatia.

Jon.- Ez, neska, ez, kostaldekook beti izan dugu estetika zentzu nabarmena, duintasun kontua da hori, burbujita.

Jone.- Bale, bale, atun jauna.

Jon.- Beno, orduan zer, etorriko al zara nirekin surf egitera edo zer?

Jone.- Ba ez dakit.

Jon.- Animatu zaitez, neska, olatuak, eguzkia, kirol polita da hau!

Jone.- Eta gero ni naiz etxeko pija?

Jon.- Aizu, surfa ez da pijoa, e? Inguruan montatu duten guzti hori, hori bai da pijoa, horrek nazka ematen dit.

Jone.- Ba justu niri gustatzen zaidana.

Jon.- Benga, Jone, elkarrekin zerbait egiteko aukera daukagu eta.

Jone.- Ikusiko dugu, gainera lehenago badaukagu konpontzeko beste arazorik, e?

Jon.- Zer arazo?

Jone.- Ba surf-taula erraldoi hori non gordeko dugun, adibidez.

Jon.- Ohe azpian.

Jone.- Eta logelaraino eramateko erditik moztuko dugu ala?