Pi-pi...

Jon.- Bai?

Jone.- Jon, Jon, ez duzu sinistuko.

Jon.- Jone! Non zaude?

Jone.- Ba oso...

Jon.- Ez dizut ... ez ... batere ondo aditzen, e!

Jon.- Ba, kobertura txarra daukazu, ez zaitut batere ondo aditzen, e?

Jone.- Joder, ba, entzun duzuna!

Jon.- Zer?

Jone.- Ba entzun duzu, aszensorean geratu naiz eta benetan agobiatzen hasita nago.

Jone.- Hirugarren pisu inguruan geratu da. Argia joan da eta ilunpetan nago, Jon.

Jon.- Beno, zu lasai. Hots egin al duzu nonbaitera?

Jone.- Baina zuk zer uste duzu? Zuri deitu dizut! Joder, Jon! batzutan tontoa zarela dirudi, e?

Jon.- Lasai, lasai, larrialdietara edo hots egin al duzun galdetzen nizun, neska.

Jone.- Zuri deitu dizut zer egin behar nuen galdetzeko, Jon. Agobiatzen hasita nago, benetan, ez dut ezer ikusten.

Jon.- Telefonoa kolgatuko dut eta larrialdietara deituko dut. Zu lasai, Jone. Konforme?

112 Larrialdi Zerbitzuak, bai esan?

Jon.- Aizu, pertsona bat igogailu batean geratu da.

112.- Ba, igogailu jarri zuten enpresara deitu ezazu eta berehala deituko dizute.

Jon.- Bale, mila esker. Begira, horretan ez dut pentsatu, ezta burutik pasa ere.

112.- Ja, ja, konturatu naiz.

Jon.- Bai?

Jone.- Hostia, Jon! Bost minutu pasatu dira. Zer gertatzen da, joder?

Jon.- Lasai, Jone, lasai, hots egin diet igogailu enpresakoei.

Jone.- Eta zer?

Jon.- Berehala datozela esan didate gainera.

Jone.- Eta ez zenidan deitu behar, ala?

Jon.- Zuri? Zertarako?

Jone.- Konpainia egiteko.

Jon.- Afaria prestatzen ari nintzen eta egia esan, ez zait burutik pasa.

Jone.- Konturatu naiz, zein katxondoa zaren! Ni hemen beldurrak akabatzen eta zuri ez deitzea okurritu ere!

Jon.- Beno, orain kolgatu egin behar dut.

Jone.- Baina, Jon!!

Jon.- Jone! Jone!

Jone.- Nor da?

Jon.- Ni naiz, Jon. Atearen beste aldean nago, eskaileretan.

Jone.- Eskaileretan?

Jon.- Bai, hona jaistea okurritu zait zuri konpainia pixka bat egitera.

Jone.- Jo, ba niri ez zait bururatu.

Jon.- Lasai, portalean ahotsak entzun ditut. Nik uste igogailu enpresakoak hemen direla segituan.

Jone.- Bale, bale, baina zu ez zaitez joan, e?

Jon.- Bale, pottoka.

Jone.- Jon, zenbat aldiz esan behar dizut?

Jon.- Esan zer?

Jone.- Ez zaidala batere gustatzen pottoka esatea.

Jon.- Eske ahaztu egiten zait, e... pottokita!