irakurgai-mailakatuak-fitxa
Barazkijalea
Yeonghye emazte zintzo eta apalak, amesgaizto batzuen ondorioz, haragia jateari utzi dio bat-batean, familia osoaren atsekaberako. Hortik abiatuta, hainbat ekintza eta erabaki kateatuko dira, Yeonghie bere ingurutik gero eta gehiago bakartuko dutenak eta gizartearen bortizkeria gero eta ageriago utziko dutenak.
EGILEA: Han Kang
ITZULPENA: Gema L. Las Heras
ARGITALETXEA: Elkar
Hiru istoriok osatzen dute eleberri hau, protagonistaren senarrak, koinatuak eta ahizpak kontatuak, zein baino zein harrigarriagoak eta liluragarriagoak, eta hainbat gairi buruz pentsarazten digutenak: patriarkatuaren egiturak, erotismoaren misterioak, erosotasunaren muigak, gizakiok animalia eta landareengandik bereizten edo haiekin batzen gaituzten bizierak. 2024ko Literaturako Nobel saria jaso zuen lan honek.
Hona hemen pasarte bat (12. or.):
"Nik espero bezalaxe, arazorik gabe lotu zitzaion ohiko emaztearen rolari. Goizero, seietan altxatzen zen niri gosaria prestatzera: arroza, zopa eta arraina. Diru apurtxo bat ere ekartzen zuen etxera, oraindik aritzen baitzen ezkongabetan egiten zituen lantxoetan: ordezko gisa ematen zituen eskolak konputazio grafikoko zentro batean, lehenago urtebetez ikasten ibili zen leku berean, eta etxean ere jarduten zuen, enkarguz, komikietako bunbuiloetan testuak transkribatzeko."
