irakurgai-mailakatuak-fitxa
Mari-mutil handi baten bluesa
AEBn LGTB (lesbiana, gay, transexual eta bisexualak) kolektiboak jasaten duen indarkeriaren aurkako eleberria da hau. Batez ere lesbianak ageri dira nobelan eta indarkeriak presentzia handia duen arren, pertsonaien arteko elkartasunak ere protagonismo handia du.
Egilea: Leslie Feinberg
Itzulpena: Fermin Zabaltza
Argitaletxea: Katakrak
Argitalpen-urtea: 2018
Jess Goldberg da protagonista nagusia. Lesbiana, behartsua, judua, langileen klasekoa… 16 urterekin etxetik ihes egin eta bizimodu korapilatsu bati ekingo dio. Baina korapilatsua gizartea bera ere bada. Hor ageriko da borroka feminista, arrazismoa, Vietnamgo gerra, langile-borroka… Giro nahasi horretan ezintasun guztiei aurre egiten saiatuko da Jess Goldberg 30 bat urtez.
Hona pasarte bat:
Ez nuen diferentea izan nahi. Helduek nahi zuten guztia izatea irrikatzen nuen, maite nintzaten. Haien arau guztiak betetzen nituen, eginahalik handiena egiten nuen atsegin emateko. Baina bazen nigan zerbait kopeta zimurrarazten ziena. Inork ez zidan inoiz izenik eman nigan makurra zen horretarako. Horrexegatik beldur nintzen gauza larria ote zen. Betiko errepika haren bidez bakarrik igartzen nuen haren nondik norakoa:
- Zer da, mutikoa ala neskatoa?
( 23. or.)
