"Noski" eta "jakina"

Jaitsi

K.- Hona hemen zalantza eta ziurtasuna adierazteko bi partikula. Beraz, ez nahastu biak! Zer adierazten du "noski" hitzak?

N.- Bada, zalantza-puntua adierazten du. "Noski" ez da erabat ziurra, ustezkoa baizik; sendoa baina, beti ere, ustea adierazten du.

K.- Eta "jakina" hitzak?

N.- "Jakina", aldiz, zalantzarik gabekoa da, ez dago zalantzarik. Dena da ziurtasun, dena delakoa ikusi duenaren edo badakienaren ziurtasuna.

K.- Egingo al genuke ustean ziurtasuna adierazten duten hitzen mailakatze bat?

N.- Hiru ziurtasun-maila aipatuko genituzke: "beharbada"-k eta "agian"-ek balitekeela adierazten dute, posible dela. "Noski"-k ia ziurtzat den zerbait ("probable", "casi seguro"), eta "jakina"-k gauza ziur eta zalantzarik gabekoa ("cierto" e "indudable").

K.- Beraz, ariketa, eta itzulpen moduan gainera. "Quízá sí; es posible" euskaraz?

N.- "Beharbada, bai".

K.- "Supongo que sí; es lo más probable" euskaraz?

N.- "Bai noski".

K.- Eta "claro que sí! Ciertamente. Efectivamente"

N.- "Jakina baietz".