AMAIA.— (telefonoan) Ez daukat ezer txukuna janzteko. (...) Ez. (...) Zuk utziko didazu soineko beltza? (...) Bai. (...) Antzekoak gara. (...) Entzun, Sara, igogailuaren ondoan nago, eta, barruan sartzen naizenean, eten egingo da deia. (...) Beste bi? (...) Kalerako ala festarako?

AMAIA.— Sara, Sara, ez dizut entzuten, barkatu, igogailua iritsi berria da eta... (...) Festarako? Ba primeran, oso ondo etorriko zaizkit, batere gabe nagoelako. Bien artean bat aukeratuko dut zuekin joateko. Ederki ibiliko gara, ikusiko duzu. Niri festa horiek izugarri gustatzen zaizkit: jende jatorra joaten da, giroa ederra izaten da eta batzuetan, mutil ederren bat ikusteko aukera dago. Ez, ez, ez, ez, pisukideak ez, egun osoa ematen dut haiekin eta beste giro batean ibiltzea ondo etorriko zait. (...) Sara? Ai, Sara! Sara? Hor zaude? Ai, igogailu madarikatua! Sara! Une garrantzitsuenean eten behar!