bai&by Fundazioak "HABE azterketak" aplikazioa garatu du

Bertan, hainbat urtetan HABEren egiaztatze-deialdietan erabili diren B1, B2 eta C1 mailako probak bildu dira, lau ataletan banatuta: Irakurmena, entzumena, idazmena eta mintzamena.

Ezaugarri hauek ditu aplikazio honek: 

  • Ez da ezer deskargatu behar eta edozein gailutatik erabil daiteke: telefono mugikor, tableta edo ordenagailutik.  
  • Aplikazioa erabili ahal izateko, izena eman behar da bai&bay.com webgunean, e-posta, izen-abizenak eta pasahitz bat idatzita, helbide honetan

Behin trebetasuna aukeratuta, ariketa-sorta aurkeztu eta banan-banan egiteko aukera eskainiko du sistemak, nahi den ordenan. 

Horrekin batera, Diagnostiko modulu bat dauka aplikazioak, eta bertan hainbat estatistika jartzen zaizkio eskura erabiltzaileari: egin dituen probak, gainditutako ariketen bataz besteko puntuazioa trebetasunez trebetasun, probak lehen aldiz egitean lortutako emaitzak… etab. 

Diagnostiko hau osatzeko, azterketa-ereduez gain, bai&by-ren mailaketa-probaz baliatzen da aplikazioa erabiltzaileen euskara-maila ebaluatzeko. 

Informazio gehiago, helbide honetan

Argazkian: Jokin Azkue Arrastoa, HABEren zuzendari nagusia eta Entzi Zubiri (bai&bay Fundazioa) 

2021-10-20
28814635
834