Eta munstroaren sortzailea Jainkoa izaten ari da ahalegintzen, Prometeo moderno baten antzera. Horregatik, gehiegizko garapena delako ororen gaineko helburu, munstroa bere sortzailearen kontra egiten hasiko da. Eta beldurra emango du. Baina hor da Frankenstein maitagarri eta xaloa, hein batean. Ez da ahaztu behar ere idazleak 20 urte zituela liburua kaleratu zenean. Eta zetorkion gizarte-aldaketa asimilatzea ez zela erraza izango.

Oharra: liburuak aurretik hitzaurrea du nobelaz eta idazleaz hitz egiten duena. Nobela bere testuinguruan kokatzen da. Eta hobeto ulertzen da eleberria hitzaurrea irakurrita. Nobela hau zientzia fikziozko lehen nobelatzat jotzen da.

Egilea: Mary Shelley
Itzultzailea: Iñigo Errasti
Argitaletxea: Erein & Igela
Argitalpen-urtea: 2013

Hona liburutik hartutako pasarte bat, pertsona baten deskribapena egiten duena:

Ez dut sekula ikusi hura baino pertsona interesgarriagorik: basa keinu bat izaten du eskuarki begiradan, are keinu zoroa, baina badira une batzuk non, baldin eta baten batek egintzaren bat egiten badu haren aldera edo zerbitzurik hutsalena egiten badio, begitarte osoa argitzen baitzaio, nik inori oraindaino ikusi ez diodan ontasunezko eta gozotasunezko distira batez. Alabaina,malenkoniatua eta etsiak hartuta ibiltzen da gehienean, eta hortzak karraskatzen ditu, hertsatzen duen gaitz handiaren zamak ernegarazita bezala. (31. or)

Lehen atala hemen duzu irakurgai, PDF formatuan.