KAZETARIA.- Aitzindaria da Euskadi. Kalamu klubak arautu nahi izan dituen lehen erkidegoa da. Madriletik baina, abisua etorri da gaur, Euskadik ez omen du eskumenik; zigor-kodeari dagokio alor hori, eta gainera, zigortu egiten du kalamua taldean landatu, bildu eta banatzea. Hala adierazi du Estatuko Droga Planen ordezkariak, Francisco de Asís Babinek. Hala ere, zirrikitu bat ba omen dago, droga-menpekotasuna duten lagunen artean, esaterako: toki pribatuetan eta murrizketa askorekin. Kontsumitzaileen elkarteek zigor-kodea aldatzeko eta egokitzeko exijitu dute. Sare kriminal eta mafiosoetara ez jotzeko antolatu direla, eta elkarteak, hogeita hamasei, euskal erkidegoan nola edo hala legeztatu behar direla adierazi dute.