63 Pisuaren pisua

JON
    Entzun zer jartzen duen hemen: “Denda txino bat salatu dute pisua dela eta”
JONE
     Pisua?
JON:
    Bai...
JONE:
    Jatekoa ere saltzen hasi dira txinoetan edo zer?
JON
    Ez ez, pisu hori ez, “pesak” entzun. ¨ariketak egiteko kilo bateko pesak saltzen zituzten, baina pesa bakoitzak 720 gramo pisatzen zituen¨
JONE
    Jajajajaja ez da egia.
JON
    Pesa bakoitzarekin , 280 gramoko iruzurra egiten zuten.
JONE
    Joder..  buf... pesaren pisua lapurtzea. Hori kontzeptu sofistikatuegia da niretzat.
JON
    Badakizu...”humor amarillo”.
JON
    Hainbeste saltzen al dute ba denda txinoek hiri erdiguneetan dituzten lokal handi horiek ordaindu ahal izateko?

JONE
    Beno hori da gaur egungo misterioetako bat ez?
JON
    Bai, beno, egia esan ni geroz eta gutxiagotan noa erdigunera... joaten naizen aldiro ia beti jende ezagunarekin egiten dut topo eta.
JONE
    Eta hori arazo bat da klaro (jakina).
JON
    Ba bai.. agurtu eta konpromisoko bi hitz gurutzatu behar duzun jendearekin topo egitea ez zait gustatzen, deseroso sentitzen naiz.
JONE
    Zure modukoek badakizu nola amaitzen duten ezta? Pisu batean hiltzen dira eta urtebetera topatzen ditu gas errebisioa egitera doan tipoak.
JON
    Baliteke, beraz, badaezpada ere, hemen, zure pisuan geratuko naiz datozen 30 urteetan.
JONE
    Horrelako zerbait esan zenidan behin eta gero ez zenuen hitza bete.
JON
    Zer?
JONE
    Ezer ez.
JON
    Ezer ez, ez. Zer esan duzu?
JON
    Zuk utzi ninduzun Jone.
JONE
     Hori ez da egia.
JON
    Nork egin zuen alde etxetik?
JONE
    Hori gauza bat da, baina nik etxetik alde egin nuenerako, zu ez zeunden han.
JON
    Ni bertan bizi nintzen.
JONE
    Bizi bai, baina zu ez zinen han nirekin, zure arima, zure... nahi duzun moduan esan. Ez zeunden han.
JON
    Arima? Hori filosofia merkea da Jone. Egun batetik bestera pisuan bakarrik geratu nintzen. Eta hura bai izan zela pisuaren pisu guztia bat-batean bizkar gainean sentitzea.
JONE
    Ordurako ia, badakizu Jon, ez geunden elkarrekin, ez zuen zentzurik.
JON
    Pisua elkarrekin konpartitzen genuen eta han utzi ninduzun, ez zenidan azalpenik eman.
JONE
     Ez zenuen azalpenik entzun nahi.
JON
    Ez nuen zure abokatuen...
JONE
    (moztuaz)Nire gurasoen abokatuen.
JON
    (moztuaz) Zuen abokatuen azalpenik nahi, ez bota beti errua zure gurasoei. Zure azalpenak nahi nituen. Zurekin hitz egin.
JONE
     Eta zenbatetan hots egin zenidan nirekin hitz egiteko?
JON
    Ez dakit, gutxi, baina hots egin nizun.
JONE
     Bi aldiz Jon
JON
    Eta zuk niri?
JONE
    Ni ia egunero joan nintzen erresidentzira koman zeundenean.
JON
    Barkatu ez akordatzea. Ah klaro (jakina) koman nengoen eta ez naiz akordatzen, hori ere nire errua izango da.
JONE
    Ia egunero Jon.
JON
    Eta zergatik ez zeunden han komatik atera nintzenean?
JONE
    Ni ere ez nengoen ongi eta gero abokatuen kontu guzti hura gertatu zen eta bai, nire gurasoek ez zuten zuzen jokatu, eta badakit haiei kasu egitea nire errua izan zela.
JON
    Nire errua Jone, istripuaren kontua nire errua izan zela esan zuten.
JONE
    Baina beren asmoa ez zen txarra. Indemnizazio ahalik eta handiena ateratzea. Biontzat.
JON
    Indemnizazioa? Zertarako balio izan dit niri indemnizazioak? Hemendik alde egin eta 10 urtez zu ahazten saiatzen gastatu dut eta!
JONE
    Jon.
JON
    Niri bota zidaten errua Jone.
JONE
    Nora zoaz Jon?
JON
    Etxera, buelta bat eman behar dut.
JONE
     Jon geratu zaitez.
JON
    Ez gaizki hartu Jone baina alde egin beharra daukat. Ez dakit gertatu zitzaigunari inoiz buelta emateko kapaz izango ote garen.
JONE
    Jon.