61 ETXEAN

JONE
    Seriearen beste atal bat ikusiko dugu?
JON
    Buf.. Nik bihar goiz esnatu beharra daukat eta, egia esan, hobe abiatzen banaiz
JONE
    Ez zara geratuko lotan?
JON
    Geratuko nintzateke, badakizu, baina goizeko bost t'erdietan jaiki behar dut Bilbora joateko.
JONE
    Bilbora?
JON
    Bai. Iragarki bat grabatu behar dugu.
JONE
    Bilbon? Non?
JON
    Ez dakit ezagutzen ez nuen kultur-etxe batean... Azkuna kultur-etxea edo horrelako zerbait.
JONE
    Azkuna?
JON
    Bai, Azkuna. Azkue edo halako zerbait.
JONE
    Azkuna edo Azkue?
JON
    Azkuna esango nuke.
JONE
    Eta badakizu non dagoen?
JON
    Ideiarik ez. Bilatuko dut bihar mugikorreko mapan, orain berandu da eta joan egin behar dut.
JONE
    Orain arte Alhondiga izan dena da Azkuna.
JON
    Zer?
JONE
    Alhondigategia. Hori ezagutuko duzu ezta? Oraintxe begiratu dut sarean.
JON
    Izenez bai, eta beno albiste hura oroitzen dut, haurrari bularra emateagatik bota egin zuten emakumearen kontu hura.
JONE
    Ah bai?  ba ni hortaz ez nintzen enteratu (jabetu).
JON
    Bai, patetiko samarra, batetik Guerrilla Girls erakusketa antolatu eta bestetik bularra ematen ari zen emakume hura bota.
JONE
    Bueno ba Alhondigari izena aldatu eta Bilboko alkate ohiaren omenez Azkuna jarri diote.
JON
    Lehen alkateak parke batean jarritako plaka batekin konformatzen ziren baina beno.. klaro (jakina).. Bilbainada bat.
JONE
    Beno alkate guztiek egiten dituzten bilbainadak... atera kontuak Odon, Maroto, Barcina, Izagirre...
JON
    Aluzinantea da nola azken urteotan herri, auzo eta ia kale bakoitzak bere kultur-etxe edo kongresu gunea behar duen, beharra aipatzen da beti.
JONE
    Beno berez ez dago gaizki, kultura sustatzeko bada.
JON
    Klaro (jakina), baina beharrezkoak al dira kriston eraikin horiek? Hainbeste? Eta gastatzen duten dirutza gastatzea?
JONE
    Kulturan dirua gastatzearen kontra orain?
JON
    Kulturan? Eraikuntzan esan nahiko duzu eta funtzionarioetan. Eta mantenimendua (mantentzea) zer? Askotan gainera 4 katurentzako.
JONE
     Pp-ko tertuliakidea dirudizu oraintxe.
JON
    Nahi duzuna.
JONE
    Eta zure teoriari jarraiki orduan gehiengoarentzat egin beharko lirateke gauzak
JON
    Bueno, horri esaten diote demokrazia.
JONE
    Beno, ba diru publikoa hartu eta futbol zelai erraldoiak egin ditzatela eta kito
JON
    Hori ere ez da.
JONE
    Bueno, horri esaten diote demokrazia ez?
JON
    Alde egin beharra daukat.
JONE
    Pikito
JONE
    Beste bat.
JONE
    Geratu zaitez, benetan, niri berdin zait esnatzea.
JON
    Benetan diozu? Niri igual zait joatea.
JONE
    Geratzea nahi dut, benetan.
JONE
    Joder Jon...itzali behingoz despertadore (iratzargailu) puta hori...