Uste duguna baino gehiago lapurtzen omen da dendetan.

Esataria.- Gona azpian gordeta edo poltsa barruan sartuta. Koloniak zein telebistak. Dendetan uste baino gehiago lapurtzen da.
Kaleko neska 1.- Aurpegirako makillajea eta horrela.
Kaleko neska 2.- H & M-n erraza da ez daukatelako alarmarik.
Esataria.- Gehienetan gazteak izaten dira, baina ez beti.
Batirtze Ispizua, Forum Sport-eko langilea.- Pasatu izan da ba lana daukaten pertsonak lapurretan harrapatzea…
Esataria.- Eta kontuak ateratzen hasita, denden fakturazioaren zati bat lapurretetan joaten da.
Batirtze Ispizua, Forum Sport-eko langilea.- Gure kasuan ehuneko bata edo ehuneko bat eta erdia.
Esataria.- Horren aurrean merkatariek dirutza inbertitzen dute segurtasun-neurrietan.
Segurtasun-kamerez gain, dendek gero eta neurri sofistikatuagoak dituzte lapurreta hauei aurre egiteko: alarma tradizionalak dituzte eta hau bezalako alarma elektrikoak ere bai.
Europa mailan denda-lapurreta gehien dituen bigarren herrialdea Espainiar estatua da. Horregatik, zigorrak ere gogortu egin dituzte. Orain arte 400 eurotik beherako lapurretak ez ziren delitutzat hartzen, aurrerantzean bai.
Jaime Elias abokatua.- Zigorra izan daiteke hilabete batetik hiru hilabeteko isuna, baina eragin inportanteena izan leike delitua denez, ja zigor aurrekariak edo antezedenteak egon daitezke pertsona horren aurka.
Esataria.- Beraz, hemendik aurrera lapurreta txikiena ere ez da dohainik aterako.