TALA 53 Ikeara

JONE
    Jon! Jon! Irteera hori da!
JON
    Seguru al zaude?
JONE
    Baietz bada,  kartelean jartzen du ikusten? Ikea.
JON
    Joder ba orain ezin dut maniobrarik egin, Beranduegi
JON
    Baina ikusten al duzu zenbat kotxe (auto) dagoen aparkalekuan?
JONE
    Normal, hona iristeko eman dugun bueltarekin normal honezkero beteta egotea
JON
    Eh eh.. ez da nire errua izan.
JONE
    Ia klaro (jakina) Eta gero entzun behar izaten dugu emakumeok ez dakigula maparik irakurtzen eta halako tontakeriak.
JON
    Aizu nik zer dakit bada? Filipinetan pasa ditut azken urteak, ez naiz sekula hona etorri.
JONE
    Bueno aparkatu eta atera gaitezen behingoz kotxetik
JON
    Bada, ea topatzen dugun tokirik han aurrerago
JONE
    Han aparkatzen baduzu gero haraino joan beharko dugu tramankulu guztiekin.
Eman beste buelta bat inguruan badaezpada ere.
JONE
    Jon itxaroidazu (itxaron iezadazu)
JON
    Baina zertan zabiltza?
JONE
    Ba poltsa hartzen, arkatza, metroa.
JON
    Ez al duzu ba dena apuntatuta ekarri.
JONE
    Aizu Jon, goazen lasai ibiltzera. Hau ez da lasterketa bat, gauzak ganoraz begiratu behar dira.
JON
    Jende gehiegi dago Jone, ni banoa aurrera, itxarongo dizut nonbait.
JONE:
    Hartzazu (har ezazu) behintzat poltsa bat.
JONE
    Baina zer daramazu poltsan? Bete betea dago eta
JON
    Ba, zera, hartzen joan naizen gauzak.
JONE
    Baina ez al daukazu kuxinik etxean?
JON
    Bai, baina joder 2,99an daude.
JONE
    Eta hau zer da?
JON     
    Ba dekoraziorako saskitxo batzuk
JONE
    Jon, faborez. Utzi horiek nonbait. Goazen behar duzuna ikustera eta kito. Ea, mahai bat, gurpildun bulego aulkia eta.
JON
    Saski bat hartuko dut Jone,  0,99an daude.
JONE
     Bueno eta aulki honek zer du?
JON
    Ba ez dakit, ez da erosoa, besoak jartzekoa altuegi dago.
JONE
    Orduan ez dugu ez mahairik ez aulkirik eramango?
JON
    Ba ez, ez dut gustatzen zaidan ezer topatu.
JONE
    Zein espezialitoa (bereixia) zaren batzuetan.
JON
    Zuk nahi zenuen guztia aurkitu al duzu?
JONE
     Nik badakit non dagoen nahi dudan guztia, nahi baduzu 20 minutu barru gera gintezke ordaintzeko kaxak dauden tokian.
JON
    Bale
JONE
    Benetan ez duzu ezer eramango?
JON
    Ezetz bada.
JONE
    Mahaia ere ez? Mahai bat Jon. Zer behar du mahai batek zure gustukoa izateko?
JON
    Feeling kontua da Jone.. Zu bezalako pertsona logikoek ezin duzue ulertu. Nik poesia behar dut nire inguruko altzarietan eta hemengo altzariek ez dute poesiarik instrukzio orri asko, baina poesiarik ez.
JONE  
    Bueno poeta, ni banoa nire gauzen bila, gera zaitez zure unikornio (adarbakar) eta ostadarrekin. 20 minutu barru ordaintzeko kaxan
JONE
    Baina zer dira katxarro horiek?
JON
    Kriston inbentoa (asmakizuna). Euro eta erdi bakarrik balio du bakoitzak.
JONE
    Baina zer da?
JON
    Esnean aparra egiteko katxarrito (trastetxo) bat.
JONE
    Eta zenbat erosi dituzu?
JON
    10
JONE
    Zertarako nahi dituzu zuk 10?
JON
     Nik bakarra, beste bat zuretzat da eta besteak opari egingo ditut. Joder kriston inbentoa da. Etxean kafetegietako kafea egiteko aukera... esneari aparra atera eta
JONE
    Zu ez zara normala Jon
JONE
    Beno behintzat ez dugu arazorik izango gauzak kotxean sartzeko, honaino etorri gara ia ezertarako.
JON
    Bada begira, zuk gauza mordoa erosi duzu eta nik aparra egiteko katxarro marabilloso (zoragarri) hauek ditut.
JONE
     Bueno goazen bada.
JON:
    Itxaron Jone.. ikusi: “hot dog euro batean”.. nahi duzu?
JONE:
    Buaj... baina horiek zerrikeria dira Jon gainera duela gutxi atera zen hemengo janak.    
JON
    (alde eginez) Itxoin memento bat pare bat hartzera noa eta.
JONE:
     Joder Jon zer usaina utzi duten zure saltxitxa horiek kotxean
JON
    Mmm, edarrak zeuden bada. Bueno bihar elkarrekin bagaude Ikea froga pasa dugula esan genezake ez?
JONE
    Oraindik ez gara etxera iritsi.
JON:
    Eman pikito
JONE:
    Saltxitxa usain horrekin. Ni loka (Ezta erotuta ere!)
JON.
    .Pi-ki-to, pi-ki-to, pi-ki-to,pi-ki-to, pi-ki-to