Gorria edo beltza?

JONE:
    Eta ze peli ikusi nahi duzu zuk?
JON:
    Niri igual zait...
JONE:
    Niri ere bai, irandarra edo finlandiarra ez den bitartean..
JON:
    Yastamos... badakit Jennifer Anistonen pelikulak direla zure faboritoak. Baina ez dauka ezer orain karteleran.
JONE:
    Nahi duzuna esan, baina nik behintzat ez dut gaur zure moduko  ¨zinelistoei¨ gustatzen zaizuen pelikula aspergarririk ikusiko...
JON:
    Niri berdin zait. Baina goazen behingoz pelikula aukeratzea hotzak akabatuko gaituelako hemen
JONE:
    Zu zara zine aditua, aukeratu. Oskarretara izendatua dagoen horietakoren bat.
JON:
    Bale
JONE:
    Itxoin Jon sartu aurretik goazen erregalizak eta gominolak erostera..
JON:
    Benetan ari al zera?
JONE:
    Bai
JON:
    Berandu goaz Jone, pelikularen hasiera galduko dugu.
JONE:
     Benga.. minutu bat izango da... zinea litxarreriarik gabe ez da zinea..
JONE:
    Eta zuk ez duzu ezer nahi?
JON:
    Ez..
JONE:
    Benetan?.. Erregalizen bat edo?
JON:
    Bueno hartuko dizut bateren bat.
JONE:
    Gorria edo beltza?
JON:
    Berdin zait...
JONE:
    Ez, ez zaizu berdin. Bata bestea baino gehiago gustatzen zaizu fijo.
JON:
    Igoal zait benetan.
JONE:
    Ezetz, ...Esan.. gorria edo beltza?.. Kalkuluak egin behar ditut eta
JON:
    Kalkuluak?
JONE:
    Bai, gorria edo beltza esaten badidazu gorri edo beltz gehiago hartuko dut.
JON:
    Joder.. baina zu zein marmita klasetan erori zinen haurra zinenean?
JONE:
    Gorria edo beltza Jon. Pelikula hastear dagoo.
JON:
    Gorria
JONE:
     Ikusten! Banekien.. eskerrak gorri gehiago hartu dudan..
JON:
    Emadazu erregaliz beltz bat...
JONE:
    Beltza?.. gorria esan didazu lehen...
JON:
    Bai. Baina bi gorri jan ditut eta beltza nahi dut orain
JONE:
    Tori.
JON:
    Eta gominola bat ere hartuko dizut
JONE:
    Sagarra edo platanoa (banana)
JON:
    Ah platanoa (banana) ere hartu duzu?. Bada bietatik bana orduan.
JONE:
    Hau ezin da errepikatu Jon.
JON:
    Bueno pelikula ez dago hain gaizki.
JONE:
    Pelikula gustatu zait. Oso ongi dago.
JON:
    Bai, bueno tranpa pare bat baditu gidoian...
JONE:
     Bueno. Ez hasi orain pelikula destripatzen, ongi dago eta fuera. Ez gara hasiko zineforuma egiten orain.
JON:
    Baina pelikulek daukaten gauzarik onena hori da eta. Pelikula ikusi bezain pronto, pelikulari buruz hitz egitea.
JONE:
    Ba datorren astean orduan pelikulez hitz egitera etor zaitez zinera Felix Linaresekin Jon, nirekin ez.
JON:
    Orduan zer da ezin dena errepikatu?
JONE
    Erregaliz eta gominolena. Hurrengo batean bakoitzak bereak erosiko ditu eta kito.