EITBren albiste-zerbitzu digitalaren webgunea da orain.eus. Hango Klisk atalean, berri laburrak daude bideo-formatuan. Kasu honetan, maskoten pasaporte europarraren berri eman digute, baita haren ezaugarriak aipatu ere. 

Txakur, katu edo hudoren bat daukazu, eta bidaiatzeko asmorik? Ba, adi: 2026ko apiriletik aurrera, derrigorrezkoa izango da, Europatik (Europan zehar) bidaiatzeko, animalientzako pasaporte berri bat. Elkarrekin eta arazorik gabe bidaiatzeko jakin beharreko guztia kontatuko dizugu.  

Apirila ezkero, txakurrek, katuek eta hudoek pasaporte europar berri bat beharko dute Europar Batasunean zehar bidaiatzeko. Animaliak, gutxienez, hamabi aste izan behar ditu, mikrotxipa izan behar du, eta amorruaren kontrako txertoa jarria bidaiatu baino 21 egun lehenago, gutxienez.  

Pasaporteak animaliaren eta jabearen datuak dakartza, jasotako txertoak eta osasun-tratamenduak.  

Pasaporte berriak hiru helburu ditu: osasuna kontrolatzea, gaixotasunak saihestea eta animali (animalia) horien legez kanpoko trafikoa geldiaraztea.  

Baimendutako albaitariek eman dezakete pasaportea, eta Osasun edo Nekazaritza Ministerioak gainbegiratuko ditu.  

Pasaporterik gabe ibiltzeak eta eguneratu gabe eramateak 100 eta 3.000 € arteko isunak ekar ditzake, bidaiatzeko debekua eta animalia zaintzapean nahiz derrigorrezko koarentenan (berrogeialdian) utzi behar izatea.  

Ez ahaztu: mikrotxipa, amorruaren aurkako txertoa eta pasaportea eguneratuta, eta prest mugak zeharkatzeko!