Jone.- Beno, eta datorren urtean bazkide izaten jarraituko duzu?

Jon.- Bazkide?

Jone.- Bai, motel, Realeko sozio.

Jon.- Jakina.

Jone.- Ba, beitu (begiratu), ni bazkide ez, baina Eibarren aurkako derbya ikustera joango naiz zurekin.

Jon.- Hori da grazia, hori.

Jone.- Bai, zeren, begira, bigarren mailan euskal derbyak egotea ere ondo dago.

Jon.- Ez da jaitsiko.

Jone.- Orain, Getaferen aurka ez dut uste zurekin joango naizenik.

Jone.- Eta orain zure lagun Toshack-ek zer egin behar du?

Jon.- Ez daukat ideiarik ere, pentsatzen dut golfean arituko dela.

Jone.- Baina orain arte beste zeozertan (zer edo zertan) jardun izan da, ala?

Jon.- Nahikoa dugu, e, ni ez naiz oso Toshack zalea, badakizu, baina Athleticeko batekin nik ez daukat horretaz eztabaidatzeko inolako asmorik.

Jone.- Ba igual guk fitxatuko dugu, zeren entrenatzaile kanpotarrak behintzat fitxatu geinkez. (ditzakegu)

Jon.- Geinkez, bai, Heynckes... Baita jokalariak ere, nik dakidala Ezkerro hori, zer?

Jone.- Ezkerro, zer?

Jon.- Ezkerro? Errioxarra dela Ezkerro.

Jone.- Ba hori, zortzigarren probintziakoa.

Jon.- Bai, bai, komeni zaizuenean bai, komeni zaizuenean zuen kanteraren mugak baita Ebrotik behera ere zabaltzen dituzue.

Jone.- Ai, Bilbo oso handia da eta!

Jon.- Eta? Zure aita ere kontentu egongo da, ezta?

Jone.- Nire aita? Zer ba?

Jon.- Errealaren istorio honekin...

Jone.- Nire aitari Errealaren kontuak belarri batetik sartu eta beste batetik irteten zaizkio, Jon.

Jon.- Bai, Athletic zale amorratua delako.

Jone.- Ja, baina Athletic-ekoak ez gara zuen modukoak, guri bost axola zaigu Errealean gertatzen dena. Zuei, ordea...

Jon.- Guri zer? Guri zer?

Jone.- Ez dakit, mutil, konplexu arraroren bat daukazuela edo.

Jon.- Konplexua? Bai, zapaldutakoaren konplexua.

Jone.- Beno, beno, ez da hainbesterako. Benga, bazkalduko dugu?

Jon.- Ez daukat batere goserik nik.

Jone.- Ez zara serio ari, ezta?

Jon.- Bai, kendu egin didazu gose guztia.

Jone.- Futbol kontuekin horrela ipintzea ere... Bada marka, e!

Jone.- Eta zu, domekan non jokatzen du Errealak?

Jon.- Ez niri hankartea berriz berotzen hasi, e?

Jone.- Ez, Jon, lasai, Anoetara ez bazoaz, planen bat egin genezake, igual Ander eta Estitxurekin.

Jon.- Ez dut uste, Bartzelonara joatekotan dira.

Jone.- Bartzelonara?

Jon.- Bai, manifestazioa, badakizu, gazteak, antiglobalizazioa eta istorio horrek asko erakartzen ditu.

Jone.- Zuri globalizazioa ez zaizu inporta baina gero Errealaz berba egiterakoan ozpindu egiten zara. Nondik irten zara zu?

Jon.- Ni? Ni pertsona normala naiz, pertsona normala dela dakien pertsona normala, ez andre Estitxu eta zure moduko hippy-pijo horiek. Niri globalizazioa bost inporta. Niregatik baita bonba atomikoa hartu eta guztiak por culo hartzera bidaltzen bagaituzte.

Jone.- Benga! Amaitu duzu astakeriekin?

Jon.- Mesedez, Jone, mundua den modukoa da eta ez gara gu orain hasiko aldatzen, ezta?

Jone.- Beno, bada mundua aldatu duen jendea, Jon.

Jon.- Bai, hori egia da, bai.

Jone.- Nirea gales horrek aldatu du, baina okerrera.