ATAL 70 Barbarinak binaka

W-JON Gaur gauean ezin dut, baina eguerdian nahi baduzu bazkaria egingo dizut nire etxean.
W-JONE Gaur segidan egin nahi nuen lan.
W-JON Zuk ikusi...Ander atzo gauean arrantzan egon zen eta barbarin batzuk ekarri dizkit.
W-JONE Barbarinak? Zer da hori?
W-JON: Salmoneteak.
W-JONE Bale, joango naiz bazkaltzera.

JON
    Barkatu beste gauza batzuekin hasi eta bazkaria egiten berandu hasi naiz.
JONE
    Lasai, ez daukat presarik, gaurkoak amaitu ditut.
JON
    Bueno, barbarinak gainera, binaka jarri, buelta eta buelta eta kito... entsalada nahi duzu?
JONE
    Bale, egina dago?
JON
    Ez baina momentu batean egingo dut, espezialista naiz entsaladatan
JONE
    Lasai lagunduko dizut entsaladarekin.
JON
    Ba frigoan (hozkailuan) duzu
JONE
    Baina, poltsako entsalada horietakoa da-eta!
JON
     Esan dizut berehala egingo nuela.
JONE
    Bai eta entsaladetan espezialista zarela ere bai, jeta!
JON:
    Bueno, horiek osagaiak dira, gero nik azken ukitua ematen diet.
JONE
    Aizu Jon, zu egon al zara inoiz bi pertsonekin maiteminduta?
JON
    Eta gehiagorekin ere bai, nire maitasun curriculuma hain tristea dela uste al duzu ba?
JONE
    Baina bi pertsonekin batera esan nahi dut.
JON
    Batera?
JONE
    Aldi berean esan nahi dut bai.
JON
    Ba, bai.
JONE
     Bai?

JON
    Bai
JONE
    Nik uste dut hori ezinezkoa dela, norbait benetan maite baduzu ez dago tokirik beste inorentzat.
JON
    Bueno bada, zuretzat izango da ezinezkoa, ze niri gertatu zait.
JONE
    Baina ezinezkoa da bi pertsonetan igual maiteminduta egotea.
JON
    Ia, eta ezinezkoa da da pertsona berarekin ere beti igual maiteminduta egotea.
JONE
    Bueno baina ulertzen didazu.
JON
    Sekula gertatu ez bazaizu nola dakizu hain seguru ezin dela pasa?
JONE
    Ba ziur nagoelako. Nik ezingo nuke. Ez nik eta ez inork. Ezinezkoa da bi pertsonekin batera maitemindua egotea.
JON
    Ba esan dizut niri gertatu zaidala..
JONE
    Baina maiteminduta maiteminduta?
JON
    Bai, bai, ez naiz ari rollo batez, maiteminduta egoteaz, lorik egin ezin eta jan gabe egoteaz, edonola ere galduko duzula sentsazio hori izateaz, joder ze goxoak dauden barbarinak.
JON
    Salmonete gehiago nahi?
JONE  
    Bat bota. Eta noiz gertatu zitzaizun bi pertsonekin batera maiteminduta egotearena?
JON
    Aspaldi.
JONE
    Aspaldi noiz?
JON
     Aspaldi aspaldi, entsala pasako didazu mesedez?
JONE
    Baina aspaldi zenbat da zuretzat?
JON
    Jakin nahi duzuna da ea zurekin nenbilenean gertatu ote zitzaidan?
JONE
    Bueno normala da hori jakin nahi izatea ezta?
JON
    Normala da jakin nahi izatea bai, baina ez dizut esango.
JONE
    Orduan nirekin zenbiltzanean gertatu zitzaizun.
JON
    Ez dut hori esan, esan dut gertatu izan zaidala, eta ez dizudala esango noiz eta norekin
JONE
     Zergatik ez?
JONE
    Ba zuk esan duzun moduan zuretzat hori ezinezkoa delako.
JONE
    Baina jakin nahi dut.
JON
    Baina gertatu ez zaizunez ez zenuke ulertuko.
JONE
    Ikusten? orduan nirekin zeundenean gertatu zitzaizun.
JON
    Ez dizut inoiz esango Jone, horrekin bizi beharko duzu. Salmoneterik geratzen da?
JONE
    Bai.. zenbat nahi dituzu?
JON
    Ehhh bi..