irakurgai-mailakatuak-fitxa
Ipuin beldurgarriak I
Guy de Maupassant idazle frantziarrak idatzitako misteriozko bost ipuin jasotzen ditu liburu honek.
Egilea: Guy de Maupassant
Itzultzailea: Euskaltzaindia
Argitaletxea: Zagitari S.L.
Argitalpen-urtea: 1998
Aurrenekoan, arma bidezko borroka bat, duelu bat, kontatzen da. Hurrengoan, Lepokoa izenekoan, Pariseko elitera heldu nahi duen andre baten komeriak. Hirugarrenean, Coco zaldiak gorriak ikusiko ditu. Mendeku ipuinean, ama zahartu bat mendekua hartzen saiatuko da, semea hil diotelako. Azken ipuinean, zerbait arraroa gertatzen da: non da Parisko jende guztia gauean?
Oharra. Narrazioak hiru atal ditu, eta atal bakoitzaren ondoren, ulermen-galderak daude, gramatika-ariketa bat eta beste 3 ariketa-proposamen, bat bakarka egin daitekeena eta beste biak taldean. Liburuak bukaeran hiztegitxo bat du.
Hona pasarte bat:
Kutxatila ireki duenean, Loisel andrea harrituta geratu da. Urrezko eta zilarrezko bitxiz beterik dago. Kutxatila hartan era guztietako bitxiak daude: belarritakoak, lepokoak, eskuturrekoak, eraztunak eta abar. Ispilu baten aurrera joan eta guztiak banan-banan probatu ditu. Azkenean ez daki zein aukeratu, guztiak gustatzen zaizkiolako.
(Lepokoa, 37. or)
