Docutec
Utzi behingoz telefono zikin hori!
Zenbat aldiz despistatzen gara telefonoarekin lagunarteko solasaren erdian?
Zenbat haserre? Ziur bideo honetako protagonistekin identifikatuta sentituko zarela, zeu zarelako horietako bat.
Smartphone-ek sortzen duten menpekotasunak unean uneko leku eta konpainiatik urruntzen gaituzte. Kasu okerrenean hizketaldi aldeanitzetik bakarrizketara pasa zaitezke. Etsipen handia sortzen du horrek, eta agerian utzi ingurukoen errespetu falta. Horrez gain, gertatzen denari baino garrantzia handiago ematen diogu hori kontatzeari. Hausnarketarako gonbitea egiten du bideoak, eta batez ere, testuinguru sozialetan sen onak agintzen dituen arauak eta neurriak hartzeko beharraz ohartarazi.
Zuk hartzen al duzu smartphone-a albo batera uzteko neurririk?
