JOSU.— Aizu, Amaia, zein aretotan da gure filma?
AMAIA.— Laugarrenean.
JOSU.— Komunera joan nahi dut. Aurreratuko zara lekua hartzeko?
AMAIA.— Bai, lasai.
JOSU.— Tori palomitak eta freskagarria, mesedez.
AMAIA.— Hau litxarreria pila film bat ikusteko.
JOSU.— Hartu, Amaia, presa daukat eta.
AMAIA.— Josu, beti esaten dizut ez erosteko ezer, osasunerako txarra dela.
JOSU.— Mugi, neska! Hizketan jarraitzen badugu, lekurik gabe geratuko gara.
AMAIA.— Bai zera! Gaueko txandan inork ez ditu ikusten horrelako pelikulak: tiroak, hilketak, zarata...
JOSU.— Ados, inork ez. Baina martxa honetan gainean egingo dut pixa.
AMAIA.— Eman palomitak. Freskagarria ezin dizut hartu, beste eskuan ordenagailuaren poltsa daukat.
JOSU.— Lasai, moldatuko naiz. Banoa.
AMAIA.— Eta hurrengoan, nik aukeratuko dut pelikula.
JOSU.— Ados, nahi duzuna. Agur!
AMAIA.— Itxaron! Oraindik ez dizut kontatu irakasleari egin nion bisita! Josu...
JOSU.— Aaaaaag! Gero, gero!
ETENA
AMAIA.— Ai, ene! Aretoa beteta dago eta! Lehendabiziko ilara bakarrik dago libre. Ai, ama, Josu etortzen denean...
ARETOZAINA.— Lagunduko dizut?
AMAIA.— Bai, mesedez, bi leku behar ditugu.
ARETOZAINA.— Zatoz nire atzetik.
AMAIA.— Eskerrik asko.