W-JONE: Etorri nahi al duzu gaur etxera? Afaria + seriea

W-JON: Bale. Ze ordutan?

W-JONE: Goiz samar afaltzen badugu serie berri bat hasi eta bizpahiru kapitulu ikusteko aukera emango digu.

W-JON: Ze serie?

W- JONE: Berdin dio... gero aukeratzen dugu.

JONE:

Pasa... Zer da hori?

JON:

Cava botila bat...

JONE:

Gabonetako soberakinak ekartzen dizkidazu?

JON:

Bai, badakizu,...Mozkortu nahi zaitut...

JONE:

Afaltzeko ez dakit oraindik zer egin... eguerdian egin ditudan lentejak (dilistak) ditut, edo bestela pizza bat sartu dezakegu labean...

JON:

Niregatik pizza...

JONE:

Ez duzu sinetsiko zer gertatu den bulegoan.

JON:

Hozkailuan sartuko dut cava...bale?

JONE:

Bai, bai, oraintxe konturatu naiz ez daukadala koparik... edalontzi normalak erabili beharko ditugu.

JON:

Glamour gehiago zenuela uste nuen...

JONE:

Nik glamourra badakizu zer egoeretarako uzten dudan...

JON:

Grrrr

JONE:

Ba oso fuertea izan da. Ez dakit komentatu nizun Xabier izeneko lankidearena...

JON:

Xabier? Ez dut uste... edo ez dut oroitzen behintzat.

JONE:

Ia,... uste dut iragarkia egitera etorri zinenerako jada bajan zegoela. Beno kontua da, Xabierrek baja hartu zuela bulegoan zegoen lan giroak antsietatea sortzen ziolako...

JON:

Zurekin lan egiteak efektu hori izan dezake...Merkel...

JONE:

Ez ez, nik ez dut zerikusirik asunto (kontu) honetan... flipatuko duzu... kontua da Xabierrek harreman txarra zuela bere departamenduko lankide batzuekin... eta halako batean mobing-a egiten ziotela esaten hasi zen eta beno, bada esandakoa baja hartu zuela..

JON:

Bueno ba ez da lehen kasua izango...

JONE:

Ia,... kontua da pasadan astean, salaketa jarri ziola bere lankide bati mobinagatik... eta esango dizut nori...ez zenukeelako sekula asmatuko.... Zuriñeri... Zuriñe salatu du!

JON:

Zuriñe?jajajajajaja

JONE:

Bai nik ere barre egiten dut...negar ez egitearren... baina ez da hor amaitzen... orain, salaketak sortu dion antsietateagatik Zuriñek ere baja hartu du.

JON:

Jajaja Grande (galanta)! Zuriñeren fan-fatala naiz!

JON:

Ze serie ikusiko dugu?

JONE:

Orange is the new Black ongi dagoela esan didate

JON:

Ez dut ikusi... Hori emakumeen kartzelan gertatzen den hori da ez? Nik Better Call Saul ikusi nahiko nuke...

JONE:

Ze serie da hori?

JON:

Breaking Bad-eko abokatuarekin egin duten spin-offa

JONE:

Baina hori berria da ez?

JON:

Bai duela aste gutxi hasi ziren.

JONE:

Ba itxaron dezagun lehendabiziko sasoia amaitu arte eta horrela segidan ikusten ditugu.

JON:

Bale... gainera, emakumeak, kartzela,... seguru titiak ikusiko ditugula...

JONE:

Ez dut ezer entzun Jon... alperrik ari zara.. gaur ez duzu ni txintzatzea (zirikatzea) lortuko.

JON:

Cava geratzen da?

JONE:

Apur bat...

JON:

Aizu Jone, duela ia urtebete opari kutxa horietako bat opari egin zidaten eta kadukatzear (iraungitzear) dago...

JONE:

Eta?

JON:

Ba pare bat hotel gau direla, eta nahi baduzu...

JONE:

Uuuuhhhhh hotel batetara eraman nahi nauzu... Ez dakit zergatik, baina opari kutxa hori... zuk atzo erosi zenuela iruditzen zait. Salido!

JON:

Salido? Ikusi hemen data! Baina lasai, ez bazaizu ideia gustatzen beste norbaiti eskainiko diot asteburu erromantiko bat igarotzeko aukera. Zuriñeri adibidez, beharrean izango da eta.

JONE:

Beno, badakizu asteburu honetan ezin duela izan, Niko etzidamu itzuliko da eta hilabete osoa pasako du nirekin...

JON:

Aizu, eta zuk ..horrela.. bat-batean... jai egun parea hartzeko aukera ba al duzu?

JONE:

Beno, igual ahalko nuke...

JON:

Bale.. erabakita... bihar eta etzi joango gara. Orain falta zaizun gauza bakarra hotela aukeratzea da.

JONE:

Ez ez ez.. hau zure ideia da eta zuk aukeratuko duzu. Nik mail bat idatziko diet lankideei datozen bi egunetan ez noala esateko.

JON:

Baina orduan bagoaz?

JONE:

Bai, .. baina mesedez ez ezazu oso urruti hartu... ez dut bi egunetatik bat kotxean pasa nahi.

JON:

Nire kontu... GRRR... hasi zure maletan daukazun lentzeria finena sartzen...

JONE:

Jajaja Nik ere gauza bera eskatuko nizuke... baina iruditzen zait alperrik litzatekeela..

aldi erromantikoa (jj-86)