ATAL 77 Ouija

JON
    Jone errotuladorerik bai?
JONE
    Nik ez baina Nikok seguru, bere gelara noa...
JONE
     Edozein kolore?
JON
    Beno, beltza bada hobe
JONE
    Eta zertarako nahi duzu?
JON
    Oraintxe ikusiko duzu.
JONE
    Zer da hori Jon?
JON
    Ez duzu inoiz halakorik ikusi?
JONE
    Ba... ez dakit ez zait guztiz arraroa egiten baina ez dakit zer den.
JON
    Ouija bat da... beno ouija kasero bat.
JONE
     Ouija bat?
JON
    Beno... ez zait oso elegante geratu baina hizki guztiak ditu.
JON
    Eta zertarako egin duzu tontakeria hori?
JON
    Ba oraintxe eseri eta galderak egingo dizkiegulako izpirituei
JONE
    “Ni loka” Jon... halako mobidek errespetu handia ematen didate.
JON
    Bengaaa. Ez zaitez sosa izan.
JONE
    Ezetz Jon
JON
    Benga jarri behatzak edalontziaren gainean... baina ez ezazu indarrik egin eh!
JONE
     Ez dakit nola konbentzitu nauzun.
JON
    Ez dakizula? Gogoraaraziko dizut, nik platerak garbitzearen truke egin duzu.
JONE
    Jajajajajja
JON
    Benga hasteko galdera erraz bat.
JONE  
    Aizu Jon euskaraz edo gazteleraz?
JON
    Eh? Ba nahi dugun moduan.
JONE
    Ah ba ez dakit... nola dakizu zuk izpirituak euskaraz egiten duen edo ez?
JON
    Ez dakigu... baina iruditzen zait izpirituen munduan guztiak direla elebidun. edo poliglota.
JONE
    Beno, izpiritua aspaldikoa bada igoal ez daki españolez eta euskaraz bakarrik hitz egiten du.
JON     
    Benga Jone, jarri behatzak edalontzian eta has gaitezen behingoz.
JONE
    Eta noiztik gustatzen zaizkizu zuri txorrada hauek?
JON
    Ni beti izan naiz esoteriko samarra.
JONE
    Zu esoterikoa? Bai... zure esoterismoa zure melenaren modukoa da... ez da existitzen.
JON
    Oso barregarria zara.
JONE
    Eta edalontziarekin zer egin behar dugu?
JON
    Ezer ez... guk behatzak gainean jarri eta izpirituak mugituko du hizkien gainetik.
JON
     Benga beste bat galdera bat, zuri tokatzen zaizu orain.
JONE
    Atletickek Kopa finala irabaziko al du?
JON
    Baina ze galdera kutrea da hori?
JONE
    Kutrea? Eta zureak zer?  Bakarrik al zaude? Izpiritu ona al zara? Flipau bat zara Jon, egia esan hasieran brometan ari zinela uste nuen baina...

JON
     Benga egin galdera dezente bat.
JONE
    Hamar urte barru Jon eta biok elkarrekin jarraituko al dugu? Eta orain zergatik ez da mugitzen?
JON
    Bueno nire txanda, Nikok izango al du inoiz anai-arrebarik?
JONE
    Baina zer galdetzen duzu? Nik erabaki beharko dut hori eta ez izpiritu batek.
JON
     Beno Jone, zurekin ezinezkoa da beste munduekin komunikatzea... izpirituak ere uxatzeko kapaz zara.
JONE
    Benga Rappel... beste galdera bat
JON
    Nor izan da Joneren amoranterik sutsuena. Ea, ikusi mugitzen hasi da,  Jota
JONE
    Jon zu ari zara mugitzen!.. nabarmen gainera!
JON
    Ni? J bakarrik esan du... izan daiteke Jose edo Jokin edo Javier.
JONE
     Bufff bueno aspertu naiz txorrada honekin.
JON
     Ea azkeneko galdera.
JONE
    Bai… eta segituan platerak garbitzera.
JON
    Joneri elkarrekin bizitzera joateko eskatzen badiot zer esango dit?
JONE
    Hara... ez da mugitzen
JON
    Ba lagundu iezaiozu zuk izpirituari edalontzia mugitzen.
JONE
    Ez daukat honetarako denborarik, sukaldea jaso eta ohera joan nahi dut.
JON
     Niri tokatzen zait jasotzea
JONE
    Lasai… egingo dut nik... tontakeria guzti hau montatu duzu hori galdetzeko?
JON
    Baaa … gutxi gora behera bai.
JONE
    Ba zuk eta zure izpirituak badakizue non dagoen atea.