Selfiea

JON:
    Etorri ona Jone...

JONE:
    Zer nahi duzu?

JON:
    Etorri.. gerturatu...

JONE:
    Baina zertan ari zara?

JON:
    Ez daukagu elkarrekin argazkirik.... selfie bat aterako dugu

JONE: 
    Benga atera azkar... lotsa ematen dit eta

JON:
    Lotsa?

JONE:
    Bai, ez dakit...horrela, jendaurren argazki bat geure buruari ateratzea...

JON:
    Ba bidaietan makina bat egiten genituen... igual-igualak

JONE:
    Ia baina orduan ez zen selfiea existitzen.. argazkiak ziren besterik gabe..

JON:
    Itxaron,.. selfiea egiteko makila aterako dut eta...

JONE:
    Mesedez Jon

JON:
    Jajajja… lasai, brometan ari nintzen...

JONE:
    Gainera zertarako nahi dezu zuk selfie bat?.. ez duzu eta sare sozialik...

JON:
    Ah... eta selfieak sareetan zintzilikatzeko soilik egiten dira edo zer?

JONE:
    Bueno.. badaaa...

JON:
    Orduan guk elkarri lepotik helduta ateratzen genituen argazki guzti horiek zertarako ziren?

JONE:
    Horiek gure bidai argazkiak ziren... baina orain atera duguna zer? Kale erdian.. lanerako bidean... Zer zentzu du horrek?

JON:
     Eta bidaietako argazkiek zer zentzu daukate bada?

JONE:
    Oroitzapen bat gordetzeko dira... egon zaren tokietako subenir moduko bat

JON:
    Ba nik, lanerako bidean, kale erdian ateratako oroitzapena gorde nahi nuen... horrek ez al du balio?

JONE:
    Bueno ez hasi orain asuntuari buelta ematen... Badakigu eta zuri gustatzen zaizuna eztabaidatzea dela...

JON:
    Bidaietako argazki albumekin zer gertatu zen ba al dakizu?

JONE:
    Argazki albumak?... Bada ez...

JON:
    Ez dakit non geratuko ziren.. egia esan makina bat argazki genuen... Fragel bidaiariak ginen garai hartan..

JONE:
    Zer pena album horiek galdu izana...

JON:
    Bada egia esan bai...

JONE:
    Gaur arte, ordea, ez zara akordatu... Ziur naiz 10 urteetan ez zarela akordatu...

JON:
    Zuk uste baino gehiagotan Jone. Baina egia esan istripuaren ondoren ez zen nire lehentasuna argazki albumak berreskuratzea... eta gero badakizu..

JONE:
    Nik ditut

JON:
    Zer?

JONE:
    Nik ditudala. Nik gorde nituen.

JON:
    Egunen batean argazki albumak pasa behar dizkidazu, kopiak egiteko...

JONE:
    Nahi duzunean.. ala ere konturatu naiz garai hartatik ez dudala ia argazki bildumarik egin...

JON:
    Nikorekin egingo zenuen zerbait...

JONE:
    Buff Oskarren amak egiten dizkio... Hoffamn horietakoak, zer pelma den emakumea...

JON:
    Gaur egun telefonoan dugu argazki kamera eta edozerri atera diezaiokegu... badakizu

JONE:
    Ia,... Baina ez dute garai batekoen xarmarik.

JON:
    Argazkiek beren balioa galdu dutelako, ugaldu eta zabaltzen den guztiak bezala,  misterioa galtzen du

JONE:
    Nik ez dakit zenbat karpeta ditudan ordenagailuan eta ez ditut sekula begiratzen..

JON:
    Ba al zenekien orain modan dagoena pintatutako erretratuak direla?

JONE:
    Koadroak?

JON:
    Bai, argazkiek balioa galdu duten heinean, pinturak, eskulanak irabazi du.

JONE:
    Ez nau harritzen... Izango nuke nik nire koadro bat Sissi enperatrizez jantzita

JON:
     Jone, alde egin beharra daukat, baina esandakoa eh, egunen batean gure argazki albumak utzi behar dizkidazu kopiak ateratzeko.

W- JONE: Bidaliko didazu lehen atera duzun selfiea?
W-JON: Zertarako nahi duzu? Total ia ez duzu argazkirik gordetzen eta...
W-JONE: benga Jon ez izan anormala. Bidali
W-JONE: Eskerrikasko.