Emakumeek lan egiteaz gain ume gehiago izateko, dio Europako Komisioak, lanean diharduten emakumeen lan-baldintzak hobetu beharko dira. Etxeko eta etxez kanpoko lana bateragarri egiteko hainbat neurri hartu nahi dituzte, adibidez, amatasun-baimena Europar Batasun guztian 18 astekoa izan dadila gutxienez.

--------------------------------------------------------------------------------

Gai honi helduko dio ondoren artikuluak. Bertan ageri dira, kezkak, proiekzio-demografikoen datuak eta hainbat hipotesiren aurrean gizarte eragile batzuk pentsatzen dutena.

Gai honek iritzi ugari sor ditzake. Hona hemen adibide batzuk:

• Haurdun nago, 7 hilabeteko. Zorteko naiz: lana uzteko moduan nago uste badut batera ezinak direla umea ondo zaintzea eta lana. Uste dut %100a eskainiko diodala haurrari. Hau bai dela luxua, mauka, eta zenbat emakumek egin dezake hori Espainian? Zorioneko naiz, nahiz eta diru mordoa galdu behar dudan.
• Nire egoera batere ez dute hobetzen bi aste gehiagok.
• Ama izatea gaizki ikusia dago. Bai enpresariak, bai lankideek, lan gehiago egin beharko dute emakumeak amatasun-baja duen tartean. Are okerrago, ume txikiak gaixotu ere egiten dira, medikutara eraman behar dira, edo etxean geratu behar duzu zaintzeko.
• Amen lan-baldintzak hobetzearen aldekoa naiz, guztiz aldekoa. Baina gaurtik 2030. urtera 20 milioi langile lortzeko beste modu bat bada, aztertu beharrekoa jakina!: sar daitezela etorkinak samaldan!
  
  Zuk ere seguruenik izango duzu iritziren bat. Testua irakurtzen hasi aurretik hausnar ezazu eta prestatu zeurea.