irakurgai-mailakatuak-fitxa
Ehun ipuin hitz gutxitan
Ehun ipuinak laburrak dira, ia guztiak orrialde bakarrekoak.
Ipuin batzuek euskal tradiziotik edaten dute, beste batzuek pasadizo-itxura dute, edo alegia-itxura, ateraldi xelebreak ere badira, bada umorea, tristura…
Egilea: Joxantonio Ormazabal
Argitaletxea: Elkar
Argitalpen-urtea: 2010
Hona Roberto izeneko ipuina
Roberto sasoiko gizona zen, langilea eta indartsua. Makina bat pareta, eskailera eta etxe egin zituen bere bizitzan zehar.
Mendizalea ere bazen, ibiltari aparta.
Urteek aurrera egin ahala, ordea, Robertoren sasoia urritzen joan zen. Heldu zitzaion zahartzaroa, laburtu zitzaion pausua eta utzi zion lanari eta mendira joateari.
Baina beti eutsi zion umore onari. Gehienetan barrez jartzen zuen hurbiltzen zitzaiona. Hara nola erantzun zion behin auzotar baten galderari:
-Zer moduz, Roberto?
-Hementxe, zutik baino eserita hobeto
(35. or)
