irakurgai-mailakatuak-fitxa
Laranja zukua
Jasone Osoro alzheimerra duen Sebastianen gorabeherak kontatzen hasiko da liburu honetan, eta horrek nola aldatzen duen gizonaren eta bere emazte Juliaren bizimodua. Emaztea larritzen hasi zen senarrak laranja-zukua egin, eta edan ordez, zuzenean lurrera bota zuenean, edan gabe.
Bizkaiko Foru Aldundiak antolatutako Bizkaldatz VIII. Sarian hasiera hori eman dio kontakizunari Osorok. Eta kontakizun honen 3 bukaerarik onenak bildu dira liburu honetan. Bat Ander Gartziak sortua, bestea Lourdes Unzuetak eta hirugarren bukaera, Naiara Zubimendirena da.
Apur bat desberdinak dira euren artean bukaerok: batek, gaiak uzten duen neurrian, umore-ukitua du; beste bukaera, apur bat erromantikoa da, eta hirugarrenak, misterio-puntu bat du, hilketa bat eta guzti.
Egileak: Jasone Osoro, Ander Gartzia, Lourdes Unzueta eta Naiara Zubimendi
Argitaratzailea: Bizkaiko Foru Aldundia
Argitalpen-urtea: 2016
Hona Naiara Zubimendiren bukaeratik hartutako zati bat:
Gure ametsa egi bihurtu nahi izan zuen Sebastianek. Beti desiratu genuen erretiroa hartzean auto-karabana bat erosi, eta tenperatura epelei atzetik jarraituz leku berriak ezagutzera joatea. Inbidia ematen ziguten auto-karabanak hartuta herritik pasatzen ikusten genituen adineko bikote atzerritarrek.
(71. or)
