Maddalen Arzallusen Sinadura, kantuan: ''Udaberriari''

Konfinamenduan bagaude ere, udaberria iritsi dela gogorarazi digu Maddalen Arzallusek, bertsotan.

Euskadi Irratiaren eskutik, Maddalen Arzallus bertsolariak udaberriari egindako kantua dugu entzungai.


Transcription:[+] Transcription:[-]

Ikusi dut okila 

(e)ta argi-oilarra (bis) 

tximeleta bihurtu 

da lehengo beldarra 

loretan udarea 

hostotan sagarra 

elurra, euri-jasa 

eta kazkabarra 

natura da kaiolan 

ez dagoen bakarra. 

 

Inork basora txango 

egin balezake (bis) 

ikusiko duzue 

ze gustu, ze bake 

gizaki arrastorik 

ez baitago batere 

txoriak txorrotxioz 

dabiltza jo eta ke 

niri egun osoa  

alaitzen didate. 

 

Eguzkia zerutik 

gogotsu ari du 

zuhaixken koloreak 

direla testigu 

nahiz eta etxean egon 

pareten gatibu 

bi begiak zabaltzen 

baldin badakigu 

udaberri-izpiak 

sartuko zaizkigu (Bis) 

B1
04-03-2020
  • Maddalen Arzallus
21808938
02:18
694