'Kojonabirusa' abestia, hit berria

Maddalen Arzallusek koronabirusarekin lotutako bertsioa prestatu du ETBko 'Gure Kasa' saioan. 'Kojonabirusa' izena du eta guztiek dantza egin dute. Egin dantza!

"Joanna, give me hope" abestia bertsionatu du Maddalen Arzallus bertsolariak, afrikar erritmo dantzagarriekin koronabirusari aurre egiteko. Abesten hasi aurretik, ordea, kantaren gaineko azalpenak emango ditu Maddalenek.


Transcription:[+] Transcription:[-]

Antton Telleria.- Maddaleni asko gustatzen zaio abestiak bota aurretik, kantatu aurretik, azalpenak ematea. 

Maddalen Arzallus.- Azalpenak ematea, bai, egia da. Orduan, azalduko dut, ezta? Bueno prestatu dut bertsio bat, ezta? Bertsio bat, koronabirusarekin lotuta, noski. Baina frantsesez esaten zaio “coronavirus” (“r” hizkia “j” moduan edo ahoskatzen da frantsesez) esaten zaio “coronavirus”. Orduan pentsatu dut... 

Antton Telleria.- “j” ere, ez? 

Maddalen Arzallus.- Ez, baina pentsatu dut guk, hona ekarrita, kojonabirusa deitzea. 

Gonbidatua.- Akojonabirus 

Maddalen Arzallus.- Akojonabirus ere bai... 

Antton Telleria.- Akojonabirus ere bai... 

Maddalen Arzallus.- ...eta kanta da “Joanna, give me hope”, “Joanna give me hope” eta nola oso dantzagarria den, bada, nik proposatzen dizuet, nik abestuko dut, baina proposatzen zaituztet, proposatzen dizuet, ea etorriko zareten nirekin pistara distantziak gordeta. 

Aitziber Garmendia.- Nola ez bada! Baina metro bateko... 

Maddalen Arzallus.- Hori da, distantzia... dantza pixka bat egitera.Ondo iruditzen bazaizue. Gainera, gainera, badauka erritmo, horrela, afrikar bat kantak eta afrikarrez afrikar dantzak egiteko, zabaldu behar omen dira hankak eta... 

Antton Telleria.- Segurtasun-esparrua badago orduan. Edo, dauzkagula 

Maddalen Arzallus.- ...eta imajinatu behar omen da barrabilak dauzkagula eta ez dutela elkar ukitu behar. Orduan, kojonabirusa... 

Antton Telleria.- Arzallus, zuk hartu tokia, behintzat, eta inguruan jarriko gara, atzean... 

Maddalen Arzallus.- Eskuak garbituko ditut. 

Antton Telleria.- Eskuak garbituko dituzu... 

Maddalen Arzallus.- Eskuak garbituko ditut egin behar dudan zerbait egiteko. Jendeak ez dezan ikusi.. 

Antton Telleria.- Zenbat misterio, Beloki bera ere dantzatzeko deseatzen, beraz, zuk garbitu eskuak eta goazen gainontzekoak... 

Aitziber Garmendia.- Nik ere bai. 

Antton Telleria.- Etorriko naiz momentu batez hona, Arzallus... 

Maddalen Arzallus.- Bai. 

Antton Telleria.- ...esateko honenbestez, eta honekintxe bukatuko dugula saioa gaurkoz... 

Maddalen Arzallus.- Bai. 

Antton Telleria.- Plazer bat izan da, koarentenan zuen lagun izatea. Jarraituko dugu edo ez dakigu edo...izango dugu elkarren berri, behintzat. 

Maddalen Arzallus.- Hori da. 

Antton Telleria.- Maddalen Arzallus! 

Maddalen Arzallus.- Egin dantza, e! Denok egin dantza, etxean ere bai! Benga! 

Musika 

Maddalen Arzallus.- benga, e? Barrabilak airean, benga! 

 

Denok gara zerbaitetan onak 

Goazen aprobetxatzera 

Berdin du bertsoak idaztea,  

berdin du kantak sortzea 

Baina zuretzat ere taberna 

Bazen bigarren etxea 

Beste aukera bat da gelarik gela 

Poteoan ibiltzea 

 

Birusa, kojonsabirus-a 

Kojonabirusa, kojonabirus-a-a-a 

Birusa, kojonsabirus-a, e! kojonsabirus-a! 

(E)ta zer marrazten edo idazten 

Ez baldin banaiz abila 

Bada, has ninteke nire ezkutuko 

Abileziaren bila 

 

Hau ez diot inori erakusten 

Hemen geratu dadila 

Baina nik, adibidez, ahoan sar 

Nezake ukabila 

 

Telebistako kateak ere 

Entretenitzeko daude 

(e)ta denak birusa gora eta behera 

Ja kokoteraino gaude 

Etb-rentzat eskaera bat 

Egin ezazue mesede 

Jarri Goenkale, Benta Berri, Baldemendi (e)ta Jaun ta jabe 

 

Birusa, kojonsabirus-a 

Kojonabirusa, kojonabirus-a-a-a 

Birusa, kojonsabirus-a, e! kojonsabirus-a! 

Honek pelikula bat dirudi 

Hau da Aupa, Etxebeste! 

Baina hamabost egun (e)ta hilabete 

Ere ez dira hainbeste 

Herri honetan bada hamaika 

Gazte eta ja ez hain gazte 

Horma tartean sartuta, ene ba! 

Batek daki zenbat aste 

 

Denak! 

Birusa, kojonsabirus-a 

Kojonabirusa, kojonabirus-a-a-a 

Birusa, kojonsabirus-a, e! kojonsabirus-a! 

Birusa, kojonsabirus-a 

Kojonabirusa, kojonabirus-a-a-a 

Birusa, kojonsabirus-a, e! kojonsabirus-a! 

 

B2
03-24-2020
21744242
05:50
1572