Riing!

Jon.- Bai?

Jone.- Ni naiz, Jon.

Jon.- Joño! Zuk badakizu giltzak irekitzeko gauzatxo bat badela, ezta?

Jone.-Ba bai, eta gauzatxo horrek izen bat dauka, Jon.

Jon.- Zer, berriro galdu dituzu edo zer?

Jone.- Ez, etxean laga ditut.

Jon.- Eta zer demoniogatik ez dituzu zintzilik eramaten ba?

Jone.- Beitu (begiratu), giltzak ez ditudanean atea zabaltzen didan mutil guapo bat daukadalako.

Jon.- Gustatu zait piropoa, tira, pasa.

Jone.- Beno, Jon, eman didate, eguna eman didate.

Jon.- Eguna?

Jone.- Bai, proiektuaren irakurketarako eguna.

Jon.- Eta amaitu al duzu ba?

Jone.- Ba ia-ia bai, bi txorrada baino ez zaizkit geratzen, baina oso urduri nago. Ez duzu sinistuko nor ikusi dudan gaur fakultatean.

Jon.- Ea, utzidazu asmatzen: E.T.

Jone.- Ja, ja... Ez, gure bizilaguna, danesa!

Jon.- Danesa? Don Perfecto?

Jone.- Ba bai, eta oso jatorra da.

Jon.- Ikaragarri.

Jone.- Beitu (begiratu), nigana hurbildu eta irakasle baten bulegoa non zegoen ba ote nekien galdetu dit.

Jon.- Eta zer demoniotarako joan da ba hura hara?

Jone.- Ez dakit.

Jon.- Igual irakasle horixe izango du bere nobioa.

Jone.- Edo igual nirekin ligatu nahi zuen eta irakaslearen kontu hori nirekin ligatzeko aitzakia baino ez zen. Baina, Jon, nora zoaz?

Jon.- Ohore kontua da hau!

Jone.- Baina zer egiten duzu esgrima sable horrekin?

Jon.- Tira, ekardazu niri bikingo hori,

Jone.- Baina Jon...

Jon.- Ea aurrez aurrekoa harrapatzeko potrorik daukan. Bikingo, etorri hona!

Jone.- Jon, kaskatuta zaude!

Jon.- Jarri nire atzean,

Jone.- Je, je, je

Jon.- Zure ohoreagatik egiten dut nik hau eta! Etorri emaiozu muxu bat zure zaldunari, etorri, etorri.

Jone.- Aizu, Jon, aitarekin hitz egin dut eta komentatu dit proiektua aurreztu aurretik igual asteburuan Bartzelonara joan beharko ginela.

Jon.- Asteburua Bartzelonara? Zu eta biok? Zertara?

Jone.- Ba badakizu, aitaren laguna den arkitekto horri proiektua erakustera.

Jon.- Jo, bale, asteburu bat Bartzelonan zu eta ni "en plan enamorados", e?

Jone.- Bai, eta nire gurasoak.

Jon.- E?

Jone.- Hotel berean egongo gara baina logela ezberdinetan.

Jon.- Joño, horixe behar genuen, haiekin lo egitea besterik ez zait falta orain.

Jone.- Benga, Jon, etorri.

Jon.- Beno, ez dakit, zure gurasoekin, ez dakit...

Jone.- Beitu, eurekin afaltzeko geratzen gara eta kito, gero geure kasa ibiliko gara.

Jon.- Ona al da hotela?

Jone.- Beno, nire gurasoak ezagutzen dituzu?

Jon.- Lau izarretakoa?

Jone.- Edo igual bost.

Jon.- Beno, utzidazu apur bat pentsatzen, e? Mm... Banoa, banoa.