Pi.Pi.Pi...

Jon.- Bai?

Jone.- Aupa, Jon, esnatu egin zaitut?

Jon.- Bai, beno, igual dio. Zer ordu da?

Jone.- Ba hamaikak eta piko.

Jon.- Atzo nahiko berandu arte geratu nintzen telebista ikusten.

Jone.- Dokumentalen bat, ezta?

Jon.- Bai, Marteri buruzkoa, Marten anormal pila bat bizi dela ikusi nuen.

Jone.- Jon, eta lanera ze ordutan joango zara?

Jon.- Ba arratsaldez egingo dut lana.

Jone.- Ba hartu motorra eta etorri nire bila, mesedez.

Jon.- Zure bila? Eta zure bizikleta?

Jone.- Lapurtu egin didate, Jon.

Jon.- Lapurtu? Baina nola?

Jone.- Ba kandadua apurtzen, zelan izango da ba?

Jon.- Lasai egon zaitez, neska. Eta nora eta noiz joatea nahi duzu?

Jone.- Ba oraintxe bertan.

Jon.- Emazkidazu hogei minutu eta hortxe naiz. Eta lasai egon zaitez, bizikleta bat besterik ez da, neska.

Jone.- Ja...

Jon.- Aupa, Jone, pikito bat e, nahi duzu pikito bat? Etorri. Tori. Pikito, pikito, pikito... Mua!

Jone.- Jo, goizeko hamarretan, Jon, fakultate atarian ostu didate.

Jon.- Ez da batere zaila.

Jone.- Nola ez dela zaila?

Jon.- Kandadu hori, begira, Todo a 100-eko kandadua dirudi horrek.

Jone.- Kabroi batzuk dira, hil egingo nituzke. Zertarako behar dute bizikleta zahar bat?

Jon.- Ez dakit, dibertitzeagatik egingo zuten.

Jone.- Dibertitzeagatik bizikleta bat lapurtu? Baina, baina hori nork egin lezake?

Jon.- Nik behin lapurtu nuen bizikleta bat...

Jone.- Makarra eta gainera delinkuentea zinen.

Jon.- Eta gauza gehiago.

Jone.- Ba nik zure modukoak errepideak egitera zigortuko nituzke.

Jon.- Orain zer, bizikleta zaharra lapurtu eta bat-batean Le Pen-en alderdian sartu behar duzu edo zer kristo?

Jone.- Beitu, Jon, ez daukat brometarako batere gogorik.

Jon.- Benga, jantzi kaskoa eta goazen buelta bat ematera.

Jone.- Ez, etxera joan nahi dut.

Jon.- Ez, ez, beste nonbaitera eramango zaitut nik.

Jon.- Benga, aukeratu ezazu nahi duzuna.

Jone.- Ez da beharrezkoa, Jon.

Jon.- Bizikleta denda batera etorri gara eta nahi duzuna aukeratzeko esan dizut, benga, Pretty Woman-en bezala, e?

Jone.- Ja, baina zu ez zara Richard Gere.

Jon.- Ez, baina nire kreditu-txartela benetakoa da, ez pelikula batetik ateratako horietakoa.

Jone.- Zu zaren sagutxoarekin harritu egiten nau horrek.

Jon.- Benga, Pretty Woman, aukeratuko al duzu bizikleta bat, e?

Jone.- Bale, ba hau.

Jon.- Ba hartu eta kalera aterako gara probatzera.

Jone.- Benga, Jon, jarri parrillan eta parking-ari buelta emango diogu.

Jon.- Aizu, Jone eta alde egingo bagenu?

Jone.- Zer?

Jon.- Bai, bizikleta hartu eta alde egin, total, zentro komertzial honetara ez itzultzearekin, eginda daukagu.

Jone.- Baina, bizikleta ostu nahi duzu?

Jon.- Beno, ostu... sozializatu, total dendan dozenaka dituzte, ez zaie batere inportako.

Jone.- Baina, baina zu zoratuta zaude, Jon. Zer pertsona klase zara zu?

Jon.- Brometan ari nintzen, neska!

Jone.- Ja, Ja, ezagutzen zaitut, makarra bat zara.

Jon.- Beno, orduan zer, bai edo ez?

Jone.- Baxatu nire bizikletatik, delinkuente!