Jone.- Bai?

Jon.- Zertan zabiltza, pottoka? Bost minutu daramazkit hemen zain.

Jone.- Ez da hainbesterako, Jon.

Jon.- Eske furgoneta doble filan daukat eta hemen dabil motorikoia, gora eta behera.

Jone.- Bale, bale.

Jon.- Benga, jaitsi.

Jone.- Banoa.

Jone.- Eta zelan utzi dizu furgoneta Anderrek ba?

Jon.- Ba nik hari motorra utzi diodalako.

Jone.- Ba baneukan gogoa hiperrera joan eta erosketa handia egiteko, e? Furgoneta lepo beteko dugu, Jon.

Jon.- Beno, lepo, lepo, ikusiko dugu.

Jone.- Beitu (begiratu), plantxatzeko taula, lorontzi ganorazkoak, apalak ere...

Jon.- Lasai, e? Kreditu-txartela erre egin nahi didazu, edo zer?

Jone.- Baina, Jon, horiek denak behar ditugu. Furgoneta behin izanda, ba aprobetxatu egin beharko dugu, ez? Sagutxo...

Jon.- Ez dakit nola konbentzitu nauzun. Mila aldiz esan dizut printzipio kontua dela hipermerkatuetara ez joatea.

Jon.- Jone! Karrotxo batekin nahikoa izango al dugu?

Jone.- Hartu beste bat, badaezpada.

Jon.- Zu zer, supermerkatu osoa erosteko asmotan etorri zara, edo zer?

Jone.- Jon, beste bat hartzeko!

Jon.- Mi carro me lo robaron anoche mientras dormía!!

Jon.- Hartzazu hori, eta landareentzako lur-boltsa hori ere eraman egingo dugu. Begira, mangera honek hamar euro besterik ez du balio. Maritxuak ureztatzeko eramango dugu.

Jone.- Jon, laga mangera hori hor. Zurekin ezin da erosketak egitera etorri.

Jon.- Joder, eske nik ez nuen etorri nahi.

Jone.- Beitu (begiratu), hobe izango da bakoitza bere aldetik joatea, zuk erosi zeure gauzak eta nik nireak, eta hamar minutu barru hemen elkartuko gara falta zaiguna erosteko.

Jon.- Bale, bale.

Jone.- Baina Jon, karrito hori ez dela patinetea!

Jon.- Begira, eskurik gabe noa!

Jone.- Eskerrak hiperrei boikota egiten diezun. Karrotxoa bete-betea daukazu eta!

Jon.- Azkarra naizelako erosketak egiten.

Jone.- Ea. Rona, garagardoa, patatak, txokolatea... Baina, litxarkeriak baino ez dituzu erosi eta!

Jon.- Beno, etxean gordetzeko dira, hauek ez dira pasatzen.

Jone.- Eta hau? Motorren aldizkaria? Baina begi-parean jartzen zaizkizun gauza guztiak erosten dituzu ala?

Jon.- Eta zuk zer, e? Ea. Babarrun ekologikoak, arroz integrala... Baina sekta makrobiotikoa utzi zenuela esan zenidan, ezta?

Jone.- Jon, laga gauza horiek karrotxoan. Kotxean elkartuko gara, bale?

Jon.- O sea, ez duzu nirekin atera nahi hipermerkatutik, ezta? Lotsa pasa arazten dizut edo zer?

Jone.- Jon, alde nire bistatik.

Jon.- Bale, baina utzi karrerilla hartzen.

Jon.- Eta gero esaten dute hipermerkatuetan gauzak merkeagoak direla. A zer koska egin diogun kreditu-txartelari.

Jone.- Txorradak baino ez dituzu erosi, Jon.

Jon.- Aizu, hauetako karrotxo bat eramango bagenu zer?

Jone.- Baina, zertarako nahi duzu zuk supermerkatuko karritoa?

Jon.- Ez dakit, baina 50 zentimoren truke cholloa iruditzen zait, eta gainera furgonetak badauka tokia!

Jone.- Beno, Jon, laga karritoa bere lekuan eta goazen behingoz.

Jon.- Aizu, erosketak egiterakoan beti jartzen al zara umore txarrez?

Jone.- Bakarrik egiten ditudanean ez.

Jon.- Eta noiz etorriko gara berriro, pottoka?