Jon.- Jone!

Jone.- Zer?

Jon.- Ekardazu jogurt bat mesedez.

Jone.- Naturala?

Jon.- Bai. Purrut!

Jon.- Zer izan da soinu hori?

Jon.- Zer soinu?

Jone.- Badakizu zer soinu.

Jon.- Ah, puzkarra.

Jone.- Akabo, inongo lotsa barik, bikotearen aurrean puzkarrak botatzen hasten zarenean akabo harremana.

Jon.- Berriro ere Cosmopolitan irakurtzen aritu zara, ezta?

Jone.- Baina zelako txerria zaren, Jon.

Jon.- Zer txerria? Erori egin zait.

Jone.- Ah! Joaten laga utzi diozu zuk?

Jon.- Preso guztiek nahi dute askatasuna, e, Jone? Eta ni ez naiz kartzela funtzionarioa, ezta?

Jone.- Eta zer ari dira ematen?

Jon.- Betiko txorradak. Jo, zer postura txarrean geratu naizen. Ea, utzidazu burua zure soinean jartzen.

Jone.- Baina orain ez bota beste puzkarrik, e?

Jon.- Joder, Jone, lasai egon zaitez, neska. Zenbatetan sartzen zara zu komunera pixa egitera ni hortzak garbitzen ari naizenean, e?

Jone.- Bai, baina ez da gauza bera.

Jon.- Ez, ez da gauza bera Cosmopolitanek jartzen ez duelako, ezta? Ba niretzat hori zerrikeria bat da.

Jone.- Beno, ez dut beti egiten.

Jon.- Zuk komuneko atea sekula ez duzu ixten eta!

Jone.- Baina zurekin berbetan banago, ba ez, zelan nahi duzu zurekin berba egitea atea ixten badut?

Jon.- Hori puzkarra botatzea bezalakoxea da.

Jone.- Ez da berdina.

Jon.- Begira, Prrrr

Jone.- Jon! Txerri hori!

Jon.- Ahoarekin egin dudala, neska!

Jon.- Entzun al duzu anormal horrek esan duena?

Jone.- Nork?

Jon.- Ile zuri eta betaurreko borobilak dituen listillo horrek.

Jone.- Baina zer ari zara ikusten, Jon?

Jon.- Ezkututako kamara erabiliaz egiten dituzten erreportaje horietako bat, sasi-erreportaje bat.

Jone.- Non dago mandoa?

Jon.- Nik daukat.

Jone.- Ba aldatu!

Jon.- Zaborra, zaborra toki guztietan. Ikusten duzu? Begira, tertuliano guzti horiek akabatu egingo nituzke.

Jone.- Bale, lasai, e, Bin Laden!

Jon.- Bin Laden? Fenomeno hutsa da Bin Laden.

Jone.- Jon, usaintzen duzu?

Jon.- Zer?

Jone.- Ba, txerri bat zarela, beste puzkar bat bota duzula!

Jon.- Nik ez, igual zu izan zara.

Jone.- Ea, Jon, ni ez naiz izan eta hemen ez dago beste inor.

Jon.- Beno, baina ni izan ez banaiz...

Jone.- Baina zu izan zara.

Jon.- Zergatik, zuk esaten duzulako?

Jone.- Beitu (begiratu), honek ez dauka zentzurik, ni ohera noa.

Jone.- E, Jon, ohea behintzat errespetatu, e? Ez bota hemen puzkarrik.

Jon.- Goxoenak ohe barrukoak izaten dira. Bota eta burua manta barruan sartu usaintzera.

Jone.- Baina ez izan txerria, Jon!

Jon.- Broma zen, neska! Benga, emadazu pikito bat.

Jone.- Ez duzu merezi, baina beno...

Jon.- Hazkura eman didazu.

Jone.- Zer?

Jon.- Bai, zure ezpain gaineko bibotetxoko pelusa horiek hazkura eman didatela.

Jone.- Jon! Dibortzioa, dibortzioa, dibortzioa nahi dut!