JOSU.- Bueno, eta zer film ikusi nahi du gure markesak?
AMAIA.— Ba ez dakit! Tom Cruisen azkenekoa?
JOSU.— Tom Cruise? Sex-symbol hori? Ez, ez, ez, aspergarria da.
AMAIA.— Orduan, Robert Pattinsonena ikusi nahi dut.
JOSU.— Baina zer nahi duzu, film bat ikusi ala aktore bat ikusi?
AMAIA.— Aktorea, noski. Aktorea ona bada, filma ona izango da.
JOSU.— Zu pixka bat jota zaude, ezta?
AMAIA.— Begira, Robert de Niro. Filma bikaina izango da, seguru.
JOSU.— Robert de Niro? Bai zera. Robert, egizu barre Robert, egizu negar; Robert, ama hil zaizu; Robert, loterian bi milioi dolar tokatu zaizkizu (aurpegi bera).
AMAIA.— Zer baboa zaren batzuetan, Josu.
JOSU.— Hainbeste ebakuntza estetikorekin, ezin du aurpegia mugitu.
AMAIA.— Baina zer astakirtena zaren! Ez duzu neurririk!
JOSU.— Begira, berandutzen ari zaigu. Onena dugu zinemara joan eta han aukeratzea. Zer diozu?
AMAIA.— Ados!