Argitalpen hau sortzeko Boloniako Planaren funtsa kontuan hartu da. Bizi zikloko aldi eta adin desberdinak zehaztu dira. Alde batetik, haurtzaroaren eta nerabezaroaren ardatzak azpimarratu dira eta, bestetik, helduaroari eta zahartzaroari buruzko rolak eta oinarriak garatu dira. Taulak nahiz ariketak oso garrantzitsuak dira giza garapena ondo ezagutzeko eta ulertzeko.

Liburu honetan, kodetzeko lehenengo sistemetatik hasi eta gaur egun erabiltzen diren kodetzeko sistemetara arteko historia kontatzen da: Egiptotik hasi eta Interneten garaira bitarteko kriptografoen eta kode-hausleen mundu sekretua, hain zuzen ere. Enkriptazioari buruzko historia zehatza, batetik, eta espioitza eta aurrerapauso intelektualez beteriko istorioak, bestetik, konbinatzen ditu egileak liburu liluragarri honetan. Besteak beste, kontatzen da nola Eskoziako Maria Estuardo erregina eraila izan zen enkriptazio ahul batean konfiantza izateagatik; II. Mundu Gerran alemaniarrek erabili zuten Enigma kodetzeko makinaren historia ere aurkituko du irakurleak; eta, nola ez, Interneteko PGP enkriptazio sistema ere aztertzen da...
Liburu hau hainbat hizkuntzatara itzulia izan da; besteak beste, portugesera, txinerara, frantsesera, alemanierara, gaztelaniara, italierara…, eta kasu askotan best seller bat izatera iritsi da. Orain, Elhuyar Fundazioak euskaraz jarri du eskuragarri, Gipuzkoako Foru Aldundiaren Euskara Sailaren laguntzarekin.

Z izpiak zientzia-dibulgazioko bilduma bat da, 16 urtetik gorako irakurle ororentzako liburuz osatua, zientziaren irakurketa argigarria, arina eta atsegina bultzatzeko sortua. Eskuartean duzun hau bildumako laugarrena da.

Egileak Euskadiko azterketa soziopolitikoa eskaintzen digu. Azterketa zenbait fasetan egina dago, 2009ko martxoko euskal hauteskundeak izan eta urtebetera hasita. Lanaren argudio nagusia galdera bi hauetan oinarritzen da: Sozialismoak ez du konektatzen jada euskal gizartearekin? Hasieran aldaketaren inguruan itxaropen handiak sortu ziren eta gaur egun orokorrean desilusioa nagusitu da?

Natalia sendagile gaztea Balkanetako kostaldeko herri txiki batera iritsi berria da, umezurztegi batean misio humanitarioa betetzera. Zora lagun eta lankidearekin joana da hara, eta antzinako elezahar eta sineskeriei oso estu lotutako tokia da, bi lagunek berehala ikusi ahal izan dutenez. Natalia, dena den, kezkatuago dago bere senideez, egoera bitxian hil baita aitona, Nataliak bereziki kutuna zuena. Haren heriotza argitu nahian dabilela, aitonaren bizitzako zenbait misterio datozkio gogora Nataliari: aitonak bere bizitzan behin baino gehiagotan topatutako gizon ikusezin harena –izaki alderrai moduko bat, heriotzaren iloba zela zioena eta arima galduak biltzen zituena–; edo sultanaren zootik ihesi bere herrira iritsi zen tigrearekin izandako harremanarena. Nolanahi ere, aitonak sekula kontatu ez eta Nataliak bere kabuz jakingo duen horixe da istorio guztietan zirraragarriena.