Nouveaux livres - Liburutegia

09/07/2024 | 164

Eskolako oroimenak (1959-2024)

Eskolako oroimenez betetako lantxo apala da hau, pasadizo eta bizipen ugariz hornitua. Testuan zehar, tartekaturik, badaude egilearekin lotura estua duten hainbat ipuin, anekdota, bertso, artikulu...

09/07/2024 | 124

Euskal Herriko ipuin mitologikoak

Ahozko tradizioak bizirik iraun du betidanik euskal herrietan; ahozkotasuna kondaira, mito, ipuin eta jazoeren transmisio-tresna ezinbestekoa izan da. Euskal mitología mendez mende gorde da txikitan sutondoan entzundako istorio haiek gazteenei kontatzen zizkieten adinekoei esker. Ahoz aho eman eta hartutako ipuinek ere alegiazko edo benetako gertakariak azaldu dizkigute. Liburu honetan dauden zazpi ipuinak adimen artifizialaren programa batzuek sortu dituzte, euskal mitologian aditua den Aritza Bergararen jarraibideen haritik. Irudiak eta testuak antzinako kondairak eta teknologia garatuena lotzearen emaitza dira.

09/07/2024 | 279

Mo : behi euskaldun baten memoriak

MOk ez du behi makal bat izan nahi. Ulertu egin nahi du bere mundua, Balantzategi baserria eta haren inguruan gertatzen ari dena. Zergatik
dago basoa begiz beteta? Nor da Karral? 1936ko gerra ez al zen, bada, bukatu? Bere barruko ahots zuhurrak galderak alde batera uzteko eskatzen dio, bizitzeko lasai, baina berak nahiago du La Vache betizuari segitu eta, arriskuak arrisku, nor izan. MOren bizitza jasotzen duen "Behi euskaldun baten memoriak" liburua 1991n argitaratu zen, eta hamarnaka mila irakurle izan ditu harrezkero euskaraz eta beste hainbat hizkuntzetan, euskal literaturako klasiko garaikide bat bihurtzeraino. Oraingoan, estreinakoz, eleberri grafikoan datoz haren memoriak, biziberrituta.

09/07/2024 | 186

Otaku bat Jainko Lanetan. The recreation. 1

"Etorkizunean gaude. Susumu, otaku gisa deskriba genezakeen ingeniaritza aeroespazial ikasle bat, Naglfar ontzian ikasketa amaierako azterketa egiten ari da Minerva Adimen Artifizial laguntzailearekin. Bere helburua: azterketa amaitu bezain laster, Pretty Care: Sorgintxo musikariak-en pelikula ikustea.
Alabaina, animazio etenetik esnatzean, harridura batean ikusiko du… Zibilizazioa desagertu egin dela! Otaku baten bihotz-sugarrak baino ezin du suspertu gizadia bere errautsetatik. Erronka hasi da!"

09/07/2024 | 187

Rifqa

Eskola egun bakoitzaren ostean, Mohammed el-Kurden amonak jasmin-sorta batekin ematen zion ongietorria. Haren izena Rifqa zen, Israel bera baino zaharragoa zen eta Palestinar erresilientziaren ikono bat zen. Izaera zorrotzarekin eta argitasun moral distiratsuarekin, el-Kurdek israeldar kolonialismoaren basakeria agerian uzten du. El-Kurden poemek Rifqaren erbestealdiak azaltzen ditu, Haifatik berriki desjabetutako Sheikh Jarrahra, Jerusalemen, Nakbaren izu zikliko eta gupidagabea agerian utziz.
El-Kurden estreinako bildumak nabarmen erakusten du palestinarren borroka iraultza bat dela, garaipenera arte eramango dutena.

09/07/2024 | 159

Toki-erakundeen gaineko finantza-zaintza eta EAEko lurralde historikoetako toki-erakundeen finantza-zaintzaren berezitasunak

Lan honetan toki-erakundeen finantza-jardueraren gainean udalez gaineko administrazioek egiten duten kontrola aztertzen da eta, horrekin batera EAEko berezitasunak aztertzen dira. Toki-erakundeen finantza-jardueraren gainean egiten den kontrol horri finantza-zaintza deitzen zaio, horrek dakartzan konnotazio guztiekin. Esangura horretan, lehenengo eta behin finantza-zaintza, toki-autonomiaren printzipioarekin aldaratzen da.
Toki-erakundeen ADNn toki-autonomiaren printzipioa daukagu, Estatuaren antolaketan barneraturik. Autonomiarekin bateragarria, KAren 4/1981 Epaiaren ondorioz sortutako doktrinarekin bat etorriz, kontrola daukagu. Hori horrela, kontrolaren irizpide nagusiak zehazten dira: lege-kontrola eta zehaztasun printzipioa. Baina, salbuespenez egokitasun-kontrolak ere egon daitezke eta gure antolamendu juridikoan finantza-zaintzari dagokionez horrelakoak egon daitezke. Finantza-zaintzaren jarduera esparrua zehazteko lehenengo eta behin toki-erakundeen finantza-jarduera zein den aztertu behar da. Hori zehazturik, lan honetan finantza-zaintzaren esparru materiala eta subjektiboa aztertu egiten da: zein gai daude kontrolpean eta nork egiten duen. Horrez gain, kontrol-jarduera kontrolpeko administrazio-egintzaren aurretik edo gero egin behar den zehaztu behar da, horrela kontrol-jarduera zehatza eta koordinazio-jarduerak ezberdinduko dira.

09/07/2024 | 179

Uztapide eta Xalbador. Bi adiskide mugaz gaindi

Euskal Herriak eman dituen bertsolaririk handienetakoak, euskal kulturaren erraldoi bilakatu dira. Bien tartean muga bat egon arren, eta bi euskalkitan kantatu arren, elkar osatu zuten hogeita hamar urtez iraun zuen adiskidantza baten bitartez. Haien ereduari jarraituz, orain bi herriak, Zestoa eta Urepele, senidetu egin dira. Ekimen horrek bultzaturik, eta bibliografia oparo bat aztertuz, liburu liluragarri bat ondu du Pako Aristik, nobela bat bezala irakurtzen dena. Nobelagilearen dohainez eramandako kontakizunean lekuko ugariren testigantzak jasotzen dira, eta narrazioan txertaturik doazen bertsoen bitartez osatzen da haien adiskidetasunaren historia zirraragarria.
Bertsozaleentzat ezinbestekoa, baina bertsozale ez direnentzat ere guztiz interesgarria izango den liburua.

09/07/2024 | 159

Iñigo Urkullu Renteria Lehendakariaren hitzaldiak: Discursos del Lehendakari Iñigo Urkullu Renteria

Iñigo Urkullu Renteria Lehendakariak 2012ko abenduaren 15ean Gernikan karguaren zina egin zuen, eta erantzukizun horri eutsi dio hiru legegintzalditan, 2024. urtearen erdialdera arte.
Hiru legegintzaldi hauetan, Euskadiko agintari goren gisara eskaini dituen hitzaldi nagusiak biltzen dituzte hiru liburuki hauek. Legegintzaldi bakoitza liburuki batean jaso da, eta mintzaldiak kronologikoki anto-latuta daude. Hortaz, berbaldi hauek irakurrita, ibilbide bat osa liteke, 2012tik 2024ra bitartean, unean-unean garrantzi eta gaurkotasun handiena izan duten gaietan zehar.

09/07/2024 | 197

Bidaia Iratira: bertako emakumeen lorratzak

100 orrialde, 8 kapitulu Iratiko bailara edo herri bakoitzeko (Zaraitzu, Aezkoa, Orotz-Betelu, Artzibar, Agoitz, Longida, Urraulbeiti, Ilunberri) testu, marrazki eta irudi laburrez, eta podcast-sorta batez (QR formatua) osatua, baita bertako emakumeen kontakizun ezezagun, elezahar, bitxikeria eta hainbat ohiturez hornitua ere.

Ibaiaz eta haren eraginaz hitz egiten dute, faunaz eta floraz, eta bakoitzaren kontakizuna osatzen dute. Mitologiari eta gai etnografikoei buruzko musika- eta zinema-gomendioak gehitzen dituzte.

05/07/2024 | 238

Kanbodiako enbaxada

Fatou etorkina da, hainbat herrialdetan bizi izan dena Londresera joan aurretik. Neskame ari da etxe batean lanean. Bere aisialdiko denbora igeriketaren eta bere lagun Andrewrekin dituen hitzorduen artean banatzen du. Hainbat gairi buruzko elkarrizketak ditu harekin: erlijioa, arrazakeria… Itxura ahulekoa bada ere, oztopoen aurrean hautsi ez den emakumea da Fatou; egokitu zaion patuari amore emanda, ez du inoiz lasaitasuna galtzen. Hemen agertzen diren elementu asko etengabeak dira Zadie Smithen obran; hitz bakoitza, esamolde bakoitza, pasadizo bakoitza arrazoi batengatik dago hor, ezer ez da kasualitatea. Egileak emakume etorkinen egoeraren zati bat jasotzen du Fatouren begietatik egindako kontakizun original honetan. Bere errutinak bere askatasunaren mugak eta bere etorkizunaren ezegonkortasuna ulertzen laguntzen digu. Era berean, esklabotza modernoari eta gizarte-desberdintasunei buruz hausnartzera behartzen gaitu. Zadie Smithen obran sartzeko atari paregabea.

Nouveaux livres - Liburutegia

Novedades