Nouveaux livres - Liburutegia

04/12/2024 | 109

José Domingo de la Encina ornitologoa, "kolibria" ezizenaz ezaguna, Karibeko uharte batera iristen da, Karibeko Hegaztien Entziklopedia Ilustratua egiteko asmoz. Hala ere, bere bidaiaren benetako eginkizuna espioitza da. Misio hori aztoratu egingo da esklaboen matxinadengatik eta zimarroien erasoengatik. Inkordio bat ilustratu europar batentzat, gizartearen aurrerabidean sinesten duena, baina esklabotza beharrezko eta naturaltzat hartzen duena. Ilustratuen argiak bere mugak ditu: ARGIA IRAUNGI ZEN TOKIA.

04/12/2024 | 187

L´Arratien taberna

Urdaibai, gertaleku pribilegiatu bat. Gizon bat Mundakako Santa Katalina ermitarantz doa, asmo argi batekin: bere bizimodu zorigaiztokoari amaiera ematea, munduko olaturik perfektuenetako bat eratzen den eremuan bere burua itsasora jaurtiz. Ez du asmo hori beteko, baina; ezustekoan bizitza irauli, eta bide berri bati ekingo dio.

04/12/2024 | 122

Zebrak eta bideak

Sei ipuinez osatua da Nerea Loiolaren bigarren narrazio bilduma hau. Ipuin hauetako pertsonaiek aurrera egin beharko dute bizitzak ezarritako bidegurutzetan; ezezagunera urratsak egin, emakumea eta animalia itzal-errebelazio binomioaren zokorik ezkutuenetan elkartzen diren lekuetara. Geldirik egotea ez da aukera bat.

04/12/2024 | 179

Ezer ez dago utzi nuen lekuan

Gaztetan herritik alde egin zuen mutila aita arrantzalearen hil hurreneko ohe ondora itzuli da, eta horrek oroitzapen olatu bat piztuko du, arrangura eta gaitzespen isilen erresakarekin; Genevan nazioarteko erakunde batean lanpostu irrikatua lortu ondoren, alokairuan hartu duen apartamentuan aurreko maizterrak utzitako arrastoei kateaturik geratuko da beste protagonista bat, jakin-mina obsesio bilakatu arte. Laurogei urteak pasatuta, Mediterraneoan udako etxea saltzera doa Mila, seme-alabei entzungor eginez bera bakarrik, eta era guztietako bizipenak eta sentipenak izango ditu bidaian.

04/12/2024 | 144

Trilogia

Asle eta Alida bikote gazte bat dira, haurdun dago Alida, etxetik alde egin behar izan dute, eta ate joka dabiltza herri arrotz batean, aterpe eske. Oihartzun biblikoak dituen abiapuntu horretatik, gizatasunez beteriko istorioa kontatzen du Jon Fosse idazle norvegiarrak, hiru parteko triptiko honetan, ahozko errezitaziotik hurbil dagoen estilo hipnotiko batean. Azken Nobel saridunaren nobela enigmatiko bezain magnetikoa.

04/12/2024 | 149

Idazketa labana bat da

Urtebetez, 2001 eta 2002an, Frédéric-Yves Jeannet idazleak gogoetak eta galderak bidali zizkion Annie Ernaux-i. Erantzunetan, Ernauxek, literaturaz, gizarteaz eta idazketaz egin zuen gogoeta: zergatik idazten duen idazten duenaz, zergatik idazten duen idazten duen bezala. Lekua eta Pasio hutsaren egilearen obra ulertzeko ezinbesteko lana da hau baina, gainera, estetikaren eta politikaren eztabaidarako baliabide ederrak dakartza. Liburu honek, gainera, 2011n idatzitako beste atal bat jasotzen du.

04/12/2024 | 141

Euskal herrietako ipuin bilduma

Ipuinak denboran hara galtzen dira, aro batetik bestera; aro batzuk gogoan ditugu, idatziz jasota; beste batzuk, berriz, betiko galdu ditugu.

Euskal Herrietako ipuin hauek airez, lurrean zehar edo itsasoz iritsiak dira.

04/12/2024 | 138

Haizea josten

Felix Saldivia lagunarteko bazkari baten bueltan hogei urte lehenago egindako Babiloniarako bidaiaz oroitzen da. Bere bizia eraldatu zuen pasadizo hartaz baliatuz azal aldaketez, amodio galduez, adiskidetasunaz eta bestez jardungo da, kontinenteak, bide-gurutzeak, kultura anitzak eta mota guztietako pertsonaiak nahasten dituen eleberri aberats honetan.

04/12/2024 | 96

Amazurtza

Donostia, 1876ko ilbeltz elurtua. Karlisten bonbapean dago hiria, periodikoak egunero argitaratzen du zenbat pepino erori diren bezperan. Gerra amaitzen ari den ustean, hiria berriro pizteko prestatzen ari dira, kaleak zabaltzen, bazterrak argitzen. Eta hiriaren garapen horri loturik, hainbat poltsiko betetzen. Zenbaitek, ordea, granaden burrunba eta iskanbila etsaiak garbitzeko probestuko du. Kapela saltzaile bat egia bilatzen saiatuko da, ezagun baita mikeleteak, milizianoak eta karlistak, denek janzten dutela inoiz txapela

04/12/2024 | 323

Banabil A2 : euskara-metodoa

BANABIL ikasgelan elkarreraginean erabiltzeko euskara-metodoa da. Komunikazioan oinarritua eta atazetan antolatua, bederatzi unitatetan egituratuta dago, Hezkuntza Arautura egokitu ahal izateko. Ikaslearen liburu honetaz gain, A2 mailan, Lan-koadernoa, Irakaslearen gidaliburua eta material osagarri ugariz osatutako Banabil gunea daude. Liburuok bertsio digitala ere badute.

Hauek dira Ikaslearen liburuaren ezaugarriak:

• Unitate bakoitzaren amaieran proiektua
• Unitate bakoitzeko hiru atal eta atal bakoitzaren amaieran bakarka edo taldeka egiteko mikroproiektuak
• Unitate bakoitzean, berariaz sortutako bideo bana, azken ekoizpenaren eredu
• Gramatika- eta lexiko-txokoa

Nouveaux livres - Liburutegia

Novedades