Bidaia zirraragarria. Laborategi sekretuak. Bi zonbi eta edaritegi bat gelan. Adiskidetasunaren indarra erreskate baten zerbitzura. ZA Koadrila Zonbi Kluberako lanean ari da. Lehen misioa New Yorkera bidaiatzeaeta Max erreskatatzea da, gaizkile batzuk bahitu baitute, ibiltarien birusarekiko duen immunitatea baliatzeko asmoz. Behin han, ZAkoek leku arriskutsuetan arrastoak bilatuko dituzte eta oztopoak jarriko dizkieten bizi eta hildako bizidunekin topo egingo dute. Aurkituko al dute haien laguna? Bizirik irtengo al dira hiriko arriskuetatik? Eta Max gai izango al da bahitzaileengandik ihes egiteko?

Zergatik egin behar dugu beti nagusiei sudur puntan jartzen zaiena? Gure ama sarjentuak erabaki du, aurten, Otxanten igaro behar ditugula oporrak, aitona-amonak zaintzen. Tximeleta bat basamortuan baino gehiago aspertuko naiz, hemen umeak koadroetan baino ez direlako existitzen. Hori uste nuen jauregikoak euren ume bereziarekin etorri direla entzun dudan arte. Amonak esan dio amari, sekretuan...

Jonek berri triste bat jasotzen du bere hamargarren urtebetetzean. Hugo, bere lagunik kutunena, hiltzear dago ospitalean. Gaixoak, atezain izan nahi zuen eta, ezinbestean, Txopo handia, Athletic taldeko futbolari ospetsua, ezagutzeko bere ametsa bete gabe zenduko da.

Baina Jon ez dago horrelakorik onartzeko prest, eta adiskideen laguntzaz, plan bat asmatuko du Hugoren ametsa bete dadin. Hala ere, gauzak ez dira erraz suertatuko, eta hainbat traba eta oztopo gainditu beharko dituzte bidean. Lortuko al dute?

Mestizoek denbora luzea igaro dute titanen aurkako azken borrokaldirako prestatzen, garaipena eskuratzeko aukerak hutsaren hurrengoak direla jakin arren. Kronosen armada inoizko indartsuena da, eta bereganatzen duen titan eta mestizo bakoitzeko, ikaragarri handitzen da titan maltzurraren boterea. Kronosen armada geldiarazteko itsasoko lehenbiziko saiakeran kale egiten dute Percy Jacksonek eta haren lagunek. Aurrerago, Tifon munstroaren haserrealdiari neurria hartzen eta hura geldiarazten ahaleginduko dira. Kronosek New York erasotzeko agindua ematen duenean - eta Empire Stateren goialdean Olinpo mendia babesgabe dagoenean -, Percy eta gainerako semijainkoen lana izango da Denboraren Jaun errukigabeari aurre egitea.

Karlos Aretxabaletak poemen irakurketa egin ahala, Mikel Mansok pianoa era inprobisatuan joko du, eta oholtzako atzeko partean poemen ildoari jarraitzen dion bideo-muntaia ikusgai egongo da.

1982ko otsailean agertu zela Maiatz aldizkariaren lehen zenbakia. Geroztik hamarnaka zenbaki ditu plazaratu Luzien Etxezaharretak kudeatzen duen Maiatz elkarteak. Liburu ugariak bestalde.Elkarte horren lan handia nahi izan du ohoratu Euskaltzaleen Biltzarrak. 1982 eta 1990 bitarteko testu hautaketa eginik, 80 bat autoreren prosa, olerki eta bertsuak, marrazkiak ere bai, ditugu aurkitzen 265 orrialdeko liburu huntan.

Liburu honekin, XX.mendean Senperek eman zituen bertsulari eta ditxolariak itzaletik argitarat atera nahi izan dituzte Lapurdi 1609 elkartekoek. XX. mende arte Senpere herri euskalduna zen. XXI. mendeak izanen du nun lan euskara berriz eskuratzeko. Ongi etorri euskararen eta bertsularitzaren mundura!

Ipar Euskal Herriko XX. Mendeko historia, argazkietan barrena aparteko bidaia eginez: aldaketa sozialak, paisaia, pertsonaiak, gerrak, nazien okupazioa eta erresistentzia, bizitzeko erak, politika, ekonomia, kultura, usadioak, modernitatea... irudien eta horien testuinguru historikoaren bidez.

Tesi honen aztergai nagusia botere konstituziogilea da. Lehenik eta behin, analisi historiko bat egiten da, botere konstituziogilea historian zein testuingurutan eta zein helbururekin agertu zen zehaztasunez ezagutzeko.Bigarrenik, analisi doktrinala egiten da, doktrinaren arabera botere konstituziogilearen definizioa, ezaugarriak eta aktibazio moduak zeintzuk diren ezagutzeko eta, zehazki, botere konstituziogilearen eta erreforma boterearen mugak non dauden finkatzeko.Hirugarrenik, behin aurrekoa finkatuta, hiru kasu zehatzen azterketa konparatua egiten da: Venezuela (1999-2000), Bolivia (2006-2009) eta Ekuadorreko (2007-2008) prozesu konstituziogileena hain zuzen. Lehen eta hirugarren kasuan konstituzio erreforma prozedurak alboratu eta zuzenean, herri galdeketen bidez, jatorrizko botere konstituziogilea aktibatu egin zen. Zilegi zen hori egitea? Eta baliozkoa? Galdera horiek eta beste batzuk erantzuteko ahalegina egiten da.

Bibliotekonomiaren inguruko terminologia biltzen du hiztegi honek, gaztelaniaz, ingelesez, frantsesez eta euskaraz. Euskararen Aholku Batzordearen Terminologia batzordeak onetsitako lan bat da, eta Euskalterm EAEko Terminologia Banku Publikoan sartu da hiztegia.