2016ko otsailaren Sean, "Kartzela kalera! Emakumeak eta kartzela" izenburupean jardunaldi arrakastatsua burutu genuen Bilboko Bidebarrietako Kulturgunean. Bertan, Angela Davis aktibista izan genuen Euskal Herriko beste adituekin batera. Espetxea instituzio gisa eztabaidagai jartzen duen ildoa abiatu genuen. Jasotako ekarpenen interesa kontutan hartuta, liburuxka- DVD honetan hitzartze guztiak aurkituko dituzu. Irakurketa eta eztabaida on!

Iñaki Garmendia Laja (Azkoitia, 1944) trikitilariaren bizitza biltzen duen Laja, trikitixaren zubia liburu-diskoa argitaratu du Euskal Herriko Trikitixa Elkarteak. Joxemari Iriondo (Azpeitia, 1938) arduratu da lana idazteaz, eta “ohore handia” izan dela adierazi du.

 Hirugarren berrargitalpenak Andoni Egañaren hitzaurrea darama. Hiztegi honek, alde batetik, euskarazko hitzen hautespen ondo pentsatu bat dakar. Hitz guztien errima-hiztegi bat ez litzateke batere praktikoa izango. Beste aldetik, hiztegiaren egitura -kontsonanteak, bokalak, diptongoak, kategoria gramatikalak eta abar- batasun eta zehaztasun zorrotzean burutua dago. Hiztegiak, noski, batez ere bertsogintzarako eta poesia errimaturako balio du, baino baita hizkuntza osorako ere. Edozein prosa motatan -poesia librea, kanta-hitzak, antzerkia, narrazioa bera-, hitzen soinuekin efektu bat garatu nahi duenak- aliteazioa, adibidez- tresna oparoa aurkituko du hiztegi honetan.

Marinak, 94 urterekin, gogora ekartzen du Otxandiotik Bartzelonara, Bartzelonatik Frantziara eta Frantziatik Venezuelara egindako bidea. Haren erbestearen esperientziak bat egiten du Sanza, Aina, Chris eta Imeldarenarekin, horiek ere ihes egin behar izan baitute, gerratik, indarkeriatik, behartutako ezkontzetatik eta sexu-esplotaziorako pertsonaren salerosketetatik, homofobiatik eta feminizidiotik.

Bere artea baliatuz, erbestearen esperientzak azaltzen ditu Javier de Isusik album honetan. Atzo bezala gaur, bizitza salbatzeko, duintasunez bizi ahal izateko toki baten bila ihes egin behar dutenen bizitzetan barneratzen da. Ihes egiten duten pertsonak dira, bai, baina horrez gain indarkeriari aurre egin behar diote, eta munduari agertzen diote nolako gaitasuna dugun jasateko eta geure bizitzak berreraikitzeko.

As¿lum liburu solidarioa da. Album honen salmentatik lortzen diren irabazi guztiak CEAR-Euskadirentzat izango dira; CEAR-Euskadi Gobernuz Kanpoko Erakunde bat da eta 25 urte baino gehiago eman ditu errefuxiatuen eskubideen alde borrokan. 

Umeek literaturarekin duten lehen kontaktua poesiarekin dela ahazten zaigu sarritan. Txiki txikitako kanta, aho-korapilo eta hitz asmaketekin poesia sortzen dute berez eta natural. Irakurtzen hasten direnean, ordea, ipuin narratiboak eskaintzen dizkiegu eta poesia bazter batera utzi. Horrenbestez, urteekin poesiara hurbiltzen direnean arrotza egiten zaie, zaila eta konplikatua. Katebegia hautsi ez dadin, eta era natural batean poesia lantzen jarrai dezaten asmoarekin sortu dira liburu hauek. Poesiak irudi berriak asmatzeko balio duelako, umeen irudimenari mugarik jarri gabe. Poesiak hizkuntza garatzeko eta berritzeko balio duelako. Erritmoa eta errima lantzeko ere baliagarriak dira poemak. Begietatik ez ezik, belarritik irakurtzen ikasi eta kantuetara hurbilpen bat erraztuz.

Oraingoan berriz, helduen mundura salto eginagatik freskuraz betea dator Clementineren bizitzako pasadizo hau. Clementinek, Joga ikastaroko kideekin erretiro bat egitera doa, baina bidean geldialdi baten ondoren autobusa Clementine gabe abiatzen da, atzerriko jaki denda batean bakarrik geldituz. Honi esker, Clementinek, bere bizitza aldatuko duten pertsonak eta hauen istorioak ezagutzeko aukera izango du, hala nola, Antoineren zen isotorioak, Chantal-en esperientziak, Thomasen bisita… pertsonai hauei esker ere, berak dituen zalantza existentzialei erantzuna bilatzeko bidea aurkituko du.

La maravillas naturales de Navarra, Santiago Yaniz: Hogeita hamar urte baino gehiago dira Santiago Yaniz, argazkilari eta kazetaria, behin eta berriz Nafarroako paisaietara jotzen duela edertasun bila. Nafarroako Natur Mirariak argazki unerik onenen, zoko ikusgarrien eta argi liluragarrien bilduma bikaina da. Orotara 34 dira liburuan azaltzen diren lekuak. Irudien eta eleen bidez haien alderik zirraragarriena ezagutuko dugu.

Textos en euskara y castellano.

Ibilbide luzea egina du euskal kulturako ohiturak eta errituak ikertzen Mari Karmen Basterretxea antropologoak, eta hori hartu du mintzagai liburuan, baina gaur egunera begira ere jarriz, besteak beste, gizartean nagusi den eredu patriarkala aztertu du.

Karlos del Olmo antzerkilari eta ikertzaileak paratutako Arestiren nazioa, antzerkia lanarekin, GOGOETA ildoari ematen zaio hasiera. Ildo honen barruan euskal antzerkiarentzat interesgarri diren gogoetak sustatu eta plazaratuko dira: teatro historikoa, eztabaida, teoria eta teorialariak, etab.

Karlos del Olmoren obrak gurean izan den dramagilerik handienetako baten teatro ibilbideari heltzen dio eta, bide batez, garai funtsezko baten testigantza ematen du. Arestiren obra teatrala aztertzen du sakonki hala nola eragile moduan antzerki munduan izan zuen eragina.

Gure jendarte likido honetan, izotz puska jarri nahi du Ipes-ek argitalpen berri honen bidez. Lan honetan errealitatea aztertzeko apunte marxistak eskaintzen dizkizuegu, hainbat erreferentzia klasiko egokituz eta eguneratuz. Etorkizunean, heziketa-tailerren bidez sakonduko ditugun apunte hauek, errealitatearen azterketa marxistak eskatzen duen iceberg lanaren tontorra besterik ez dira beraz. Izan bitez izotza urratzeko bide.