Izenik gabeko lurrek, lepoek, basoek eta hiriek badute izenik. Mendiko mapetan agertzen dira izenok, historia liburuetan, baita errealitatearen eta fantasiaren arteko eremu lausoan ere. Beraz, irakurle, lasai ekin diezaiokezu lurralde horietara doan kaminoari, bidean barrena hainbat gizaki, otso eta bele igaro baita dagoeneko. Aitzindariak, heretikoak, soldaduak, igarleak eta espioiak dabiltza hara eta hona. Denak izango dituzu lagun geografia berezi hauetan. Eurek erakutsiko dizute, besteak beste, urrearen bailaran eta desertu gorrian amaitzen den bidea. Baina ez iezaiezu galdetu nola egin behar den atzera itzultzeko. Begietan antzematen baitzaie jakin nahi ez zenuen egia, alajaina, buelta hartzeko unean bertan lainotzen direla lekuen izenak.

2012ko uztailaren hemeretzian aldatu zen betiko liburu honetako protagonisten bizitza. Narratzailearen emazteak pankreako minbizia du. Aurrekoaren ifrentzu bihurtuko zaie handik aurrera bizitza, haren erresumako biktima apal izatera pasatuz. Orduantxe sortzen da “Zu”, eta bere eguneroko bizitzak zer ikusi gutxi izango du iraganekoarekin; haren itzala da, ezinbestean barrendu da, zorigaiztoko diagnostikoa eskutan –nola klasikoengan “urrezko abartxoa” itzalen mundurako pasaporte–, bizitza berrira, xumera, zenbatez zinezkoagora, premiak behartuta, intentsoago, tristeago, abailduagora. Bizitzaren dimentsio ezezagun eta berria.

Itzal eta bidelagun ugari aurkituko ditu narratzaileak erresuma berriko galerietan barrena, hala nola Thomas Mann-en Mendi magikoan, Albert Camus-en Izurritean edo Susan Sontag-en liburuetan. Haien protagonistak ere sufrimenduaren biktima izan ziren, eta beraz, erresuma bereko itzalen artean, gaixoen artean, bizi dira. Denen artean eraikiko duten unibertso literarioak dimentsio berria hartzen du, eta hango onkologo, doktore eta erizainak Xabier Letek ere maiz igo behar izan zuen “Ene mendi”ko protagonistak bihurtzen dira, nobela liluratu baten protagonistak. Betiere andrearen poz, ilusio eta malkoen atezuan. Baina ez al dago ba salmoetan idatzita Jainkoak gure malko guztiak gordeko dituela? Jakin dakigunean gureak ez direla egongo haien artean, literatura izango dugu kontsolamendu.

Bizitzaren udazkenean sakontzen duen nobela da Anjel Lertxundiren hau, heriotzaren ezinbestekotasuna bizitzaren liluraz hesitu nahi agonikoa.

Altza porru! baratzeaz eta horrek inguratzen duen jakintza guztiaz zortzi marrazkilarik ilustratutako komiki-liburua da. Bizi Baratzea-rekin hasitako bideari jarraipena emango dio hizkuntzarekin jolastuz, ironiatik eta umoretik.

 Pasaiako portzelana lantegia Baignol anaiek sortu zuten, 1851ean. Étienne Baignolen bilobak ziren, Limogeseko lantegiaren sortzailearenak. Pasaiako lantegia 1915 urtera arte izan zen martxan, pertsona desberdinen ardurapean.

Pasaiako biztanleak izan ziren, batez ere, lantegi honetako langileak, nahiz eta, hasieran, zenbait artisau frantses aritu ziren, lan espezializatuenetarako.

Ekoizpenaren kalitatea lehenengo urteetan (1851-78) bereziki ona izan zen, eta, gero, urteek aurrera egin ahala, gainbehera etorri zen. Piezek ez dute lantegiko markarik, eta horrek zaildu egiten du jatorria zehaztea.

Lantegia Arizabalo jauregian -"non orea prestatzen zen eta piezak modelatu nahiz dekoratzen ziren- eta ondoko lur-sailetan egon zen -"non labea eta lehortegiak zeuden-". Egun, ez da adreiluzko tximinia besterik geratzen zutik.

 Los Encuentros de Centros de Documentación de Arte Contemporáneo, organizados desde 2002 con carácter bienal por la Biblioteca y Centro de Documentación de Artium, Centro-Museo Vasco de Arte Contemporáneo, surgen con el objeto de servir de marco para que los profesionales de la información intercambien experiencias, reflexionen sobre nuevas estrategias de gestión, generen debate y fomenten acciones colaborativas que contribuyan a impulsar la investigación y a ofrecer productos y servicios de calidad acordes a las necesidades de los ciudadanos.

Con motivo de la celebración de la séptima edición de estos Encuentros, se ha realizado esta publicación que reúne las ponencias presentadas en dicho evento, en las que se analizan cuestiones relacionadas con la innovación y la gestión integral de la información, la web semántica y los datos abiertos en instituciones patrimoniales, así como perspectivas de futuro en los nuevos entornos y retos profesionales.

 Umore grafikoaren 25 urte.
Euskal politikagintzaren kronika dibertigarriena.
EGIN, Euskadi información eta GARAko bineta, karikatura eta ilustrazio onenen bilduma.

 Liburu honetan gizaberearen gogartera itzultzen da berriro Joxe Azurmendi. Darwinek gizatasuna zertan datzan birpentsatzeko ataza utzi zuen jarauntsian. Nondik dator andre-gizona bertuteak dauzkan aberetxoa izatea? Tradizioa eta erlijioa laga eta, zeintzuk dira bertute horiek? Gure funtsenean, lagunkoi eta kooperatzaileak gara ala berkoi berekoiak? Kapitalismoa ala sozialismoa da gizakiaren naturalago? Norgehiagoka ala kooperazioa?

2889. urteko uztailaren 25ean, AEBetako hiriburu berrian, Zentropolisen, Earth Herald egunkariko erredakzio erraldoian,  Jupiterreko berriak jasotzen dituzte, hodei artifizialak sortzen dituzte zeruan publizitatea jarri ahal izateko, erreportariak aeroautoetan mugitzen dira eta notiziak ez dira irakurtzen, entzun egiten dira. Jules Verneren testu ezezagun honetan Internet, garraio lasterra eta beste aurkikuntza teknologiko harrigarri batzuk iragartzen dira, egilearen ohiko intuizioaren liluramenduarekin.