Hilerria okupatzeko deia egiten duen txabola auzoko buruzagi zapuztua, ihesi doakion biziari esku eskuinaz ozta heltzen dion bulegari koitadua, bere lorategian agertu den esku ebakiaren jabearen bila dabilen etxejabe aberatsa, bere marrazkiekin herritarren debozioa pizten duen orratzain gutxietsia, familiaren borondatearen kontra ilargirako bidaia prestatzen diharduen senar goranahia… Horiek eta horrelakoak dira, besteak beste, ipuinotako protagonistak: onberak, fidakorrak, etsi onekoak, erdipurdikoak gehienak; bizimodu arrunteko jende arrunta, halako batean egunerokotasunaren arruntasuna urratzen duen gertaera ezohiko edo ustekabekoren bati aurre egin beharrean suertatzen dena. Eta horiek eta horrelakoak ipuin antologia honetako istorioak, errealitateari ertz berriak ateratzen dizkioten kontakizunak, umore eta ironiaz albainduak, muturrekoak, muturreko egoeran ezagutzen baita ondoen giza izatearen muina.

 Eskuliburu hau Euskal Herriko Unibertsitateko Medikuntza eta Erizain- tza Fakultateak ematen duen Etika Mediko-ko apunteen bilduma bat da. Ber- tan Bioetikako ezagutza zati bat jasotzen da, hain zuzen, Boloniako Planak Europa Batasuneko Goi-Mailako ikasketetarako europar esparrura egokitzea xede duen proiektuaren ondorioz derrigorrezko bihurtu den ikasgai honen materia.

Helburu nagusia ikasleek eskuliburu bat izatea da, Unibertsitateko bi hiz- kuntza ofizialetan, praktika klinikoaren egokitasunaz beharrezko diren eza- gutzak jaso eta hoietaz pentsatu dezaten.

Eskuliburuaren antolaketak Bioetika klinikoaren estruktura bera manten- tzen du, modu egoki batean, lehen hurbilketa bat egin dezaten: bioetikaren historia, oinarrizko planteamenduak eta metodologia, asistentziazko harremanetako etika, bizitzaren hasieraren alderdi etikoak, bizitzaren amaieraren alderdi etikoak eta, azkenik, gizakie- kiko ikerketaren alderdi etikoak.

Este manual reúne los apuntes de la asignatura Ética Médica que se imparte en la Facultad de Medicina y Enfermería de la Universidad del País Vasco UPV/EHU. Recoge una parte de los conocimientos bioéticos, cuyos contenidos se incorporaron como materia obligatoria en el Grado de Medicina con el Plan Bolonia para la formación universitaria de la Unión Europea.

La intención es poner a disposición del alumnado un texto, en los dos idiomas oficiales de esta universidad, para ayudar a la reflexión y a la comprensión de este saber necesario para el buen hacer en la práctica clínica.

La organización del texto responde a la estructura básica de la Bioética Clínica con contenidos que permiten una primera aproximación a esta materia de manera sencilla: la historia, fundamentación y metodología de la bioética, los aspectos éticos en la relaciones asistenciales, los aspectos éticos en el inicio de la vida, los aspectos éticos en el final de la vida y, por último, los aspectos éticos en la investigación con seres humanos.

Bizitzaren denboraren trinitatea hausterakoan, iragana-oraina-etorkizuna, hemen eta orainaren erreinuan sartzen zara. Egonean egoten, agertzen dena on hartzen berbak sortzen dira. Orduan mugimendua hasten da eta eskuak orrietara doaz. Boligrafoa eskuan dantzan. Mariametsetan.

Finzi-Continitarrek, Ferrarako juduen arteko familia aberatsenak, halako lilura bat sortzen diote nobelako protagonista eta narratzaile gazteari: ez bakarrik haien etxe erraldoiagatik, bizimodu isolatuagatik, cultura zabalagatik, jarrera aristokratikoagatik; horrez gain, lagun egin nahi lituzke familiako seme-alabak: adinkide duen Alberto eta, batez ere, haren arreba Micòl, eder bezain urruna. Mussolinik, Hitlerrengana hubiltzeko, Italiako juduen kontra ezarritako lege arrazialek sortuko dute ustekabeko aukera: hiriko tenis elkartean jokatzea debekatua dutela-eta, beren lorategiko tenis-zelaira gonbidatzen dituzte Finzi-Continitarrek komunitateko kideak. Kontalaria eta Micòl adiskide min bihurtuko dira, amodio mindu eta mingarri bat ere sortuko da bietako batengan, baina lotsak, diferentzia sozialak ala patu historikoak ezinezkoa egingo dute harremana. Dotorezia eta sentiberatasuna darizkion eleberri miresgarria dugu hau, betiko joandako garai baten malenkoniaz eta historiaren krudelak suntsitutako lagunenganako elegia-doinuz idatzia.

Beren lagunen aholkuei jarraituz, Benek eta Ninak euren motxilak gogotik prestatzen dituzte Indiara abiatu aurretik: sabeleko minarentzako pilulak, ber-hidratazio gatzak, bakterioen kontrako xaboia… Uste dute ez dutela ezer ahaztu opor egun on batzuk igarotzeko. Baina ez dira ohartu Maharajaen, tenpluen eta behi sakratuen herrian, beti gertatzen direla ezustekoak… Adibidez, guru batek eta bere kideek maisu espiritual batekin nahasten zaituztela! Taj Mahal ospetsutik, Rajastandik igaroz eta Goako hondartzetaraino, hogeita hamar urteko bikote gazteak ez dio harritzeari utziko…

 Motxila bizkarrean eta gidaliburua eskuan, Ben eta Nina, hogeita hamar urteko bikote gaztea, Txinara doaz hiru astez. Euren bidaiak, dibertigarria bezain ezohikoak, Pekindik Shangaira eramango die, Miao eskualdeko arroz-soroetatik igaroz. Baina, bikotean bidaiatzea ez da beti hain erraza izaten… eta arazoa da ez dagoela gidarik nola egin behar den azaltzen duena. Batez ere espioi txinatar temati batzuk azaltzen direnean edota treneko begiratzaile marmarti bat agertzen denean guztia korapilatzeko…

Garaiko eleberriaren legeak hankaz gora jarri zituen bezala, esan liteke bidaietako literatura eta bidaiariaren sentimendua bera ere behin betiko irauli zituela Laurence Sternek liburu honekin: ordura arte, katedralak, monumentuak eta enparauak ziren han eta hemen ikusi beharrekoak; hemen, berriz, aipatu ere ez dira egiten halakoak: Frantzian barrena firin-faran dabil Yorick bidaiari eta narratzailea, bidean topatzen dituen gizon (eta batez ere emakume) bereziek pizten diotela gogoa eta bideratzen zangoa; plan bat egiten du eta berehala aldatzen; ekintza bat hasten du baina ez amaitzen; beti alai hala ere, zirikatzaile eta umoretsu bezain eskuzabal eta bihozbera.