Gizon baten desagerpenarekin hasten da, eta nobelan zehar Ikermanek bere bilatze lana kontatzen digu.

 Ozeanoetan dago ugari baina baita geure negarrean ere. Deabruaren kontra balio omen du eta nerbio bulkadak transmititzeko ere bai. Himalayatik datorrena gutizia bihurtu da baina ez da batere merkea. Bere ustiapenak paisaia ezin ederragoak utzi dizkigu Euskal Herrian eta kontserbatzaile gisa izan duen garrantziak munduaren historia aldatu du. Antzina, erromatar soldaduen soldata ordaintzeko erabiltzen zuten eta egun, edozein sukaldetan aurkitu dezakegu arroka, altxor eta kontserbatzaile miragarri hau: gatza.

 Maitaleen keinurik sinpleena da eta goxoenetakoa. Baina maitaleek ez ezik, lagunek ere erabiltzen dute eta traizioa ere adierazi dezake edo errespetua edo Jainkoari zaion leialtasuna. Ez da kirol jarduera bat, baina ia ehun eta berrogeita hamar gihar mugitzea eskatzen du. Gaixotasun batek haren izena darama baina osasunerako onurak ditu kalteak baino gehiago. Loti ederrak eta Edurne Zurik behar-beharrezkoa zuten, gu guztiok bezala, errutinaren loalditik esnatzeko. Bost litrok ematen digute bizitza eta, gurea gorria bada ere, munduan badago berea urdina duen animaliarik. Galtzen dugunean, herio arriskua izaten dugu, baina galera horrek senidetzen gaitu, beste ezerk baino gehiago. Elikagaiak zein gaixotasunak garraiatzen ditu eta heretiko batek aspaldi esan zuen gizakion arima bertan zegoela. Sukarrak berotzen duenean hotzikara eragiten digu, banpirismoaren mitoak sortzen duenaren antzekoa. Datozen orrialdeotan odola dakargu, hitzez hitz, tantaz tanta.

 Bost litrok ematen digute bizitza eta, gurea gorria bada ere, munduan badago berea urdina duen animaliarik. Galtzen dugunean, herio arriskua izaten dugu, baina galera horrek senidetzen gaitu, beste ezerk baino gehiago. Elikagaiak zein gaixotasunak garraiatzen ditu eta heretiko batek aspaldi esan zuen gizakion arima bertan zegoela. Sukarrak berotzen duenean hotzikara eragiten digu, banpirismoaren mitoak sortzen duenaren antzekoa. Datozen orrialdeotan odola dakargu, hitzez hitz, tantaz tanta.

 Gaur egun, software fidagarria, hau da errorerik gabea, sortu ahal izateko ezagutza, metodoak eta teknologia egon badaude. Horren erakusgarri da, adibidez, liburu honen lehenengo kapituluan azaltzen den Parisko garraio-sarearen kontrolerako softwarea. Beste froga bat, azken 10-15 urteetan software-akatsen ondorioz sortutako istripu larririk ia-ia ez egon izana da. Hori dela-eta, liburu honen bidez gure ekarpena egin nahi dugu nazioarteko komunitateak dagoeneko bere gain hartu duen erronka batean: software-industriak zeharo fidagarriak diren aplikazioak garatzera jo behar du. Horretarako, software-garatzaileek aplikazio erabat fidagarriak garatu ahal izateko erreminta eta teknikak erabiltzeko eta sortzeko gaitasuna emango dien prestakuntza zientifiko-teknikoa izatea beharrezkoa da. Liburu honek software fidagarria eraikitzeko erabiltzen diren metodoen atzean dauden programen espezifikazio-, transformazio- eta egiaztapen-tekniken hastapenak ikasteko aukera eskaintzea du helburu, hemen agertzen den materiala oinarrizko prestakuntza-ikastaro baterako egokia delarik.

Zehazki, UPV/EHU Euskal Herriko Unibertsitatean ezarrita dauden Informatika Ingeniaritza Gradu desberdinetan irakasten den Programazioaren Metodologia irakasgaiaren testuliburua den honako hau programazio-arloan hasi berria den edonorentzat baliagarria da.

 Munduko edozein bazterretan gertatzen den bezalaxe, euskal identitatea ulertzeko modu ezberdinak sinbolo anitzen bidez adierazten ditugu. Sinbolo batzuk jende guztiak onartu izan ditu; beste batzuk, aldiz, oso eztabaidatuak dira edo izan dira, eta denborarekin esanahia aldatuz ere joan zaie. Unibertso sinboliko konplexu bezain interesgarria osatzen dute guztiek: banderak, armarriak, elezaharretako heroiak, anagramak, ereserkiak, jaiegunak, data historikoak, guduak, kirolak, pertsonaia historikoak, folklore ekitaldiak, oroimenerako monumentuak, paisaiak, eta beste hainbat.
Liburu honetan, irudiz oparo hornituta, euskal Historia garaikidean aditu handienetako batzuek osatutako lantaldeak 100 euskal sinbolo adierazgarrienak aztertu ditu: Gernikako arbola, ikurrina, lauburua, arrano beltza, ardi latxa, Agur Jaunak, Aberri Eguna edota Espainiako Gerra Zibila, adibidez; baita baserria, irrintzia, pilota, bertsolaritza, Olentzero, txalaparta edo Guggenheim Museoa ere; eta Aitor, Lope Agirre, Sabino Arana, Unamuno edo Pasionaria bezalako pertsonaiak ere bai. Kasu bakoitzean, modu labur eta zehatzean daude aztertuta sinboloaren jatorria eta esanahia, nola iritsi den euskal sentimendu konkretu baten adierazle izatera eta ze nolako eztabaidak eragin izan dituen.
Azpitituluak (Identitatea, kultura, abertzaletasuna) liburuaren ikuspuntua zehazten du: euskal identitatearekin, gure kulturarekin eta politika garaikidearekin gehien lotzen diren sinboloei erreparatzen die.

 Umorezko ukitu freskoak eta bere buruarekiko batere konplazentziarik agertzen ez duen zintzotasuna baliatzen ditu Frederik Peetersek kontakizun honetan; itxura xume batez eta buruargitasun erabatekoaz, gai unibertsalak jorratzen ditu: maitasuna, heriotza... Komikia sortu eta hamahiru urtera, zortzi orrialde berri gehitu ditu Peetersek, Pilula urdinak-eko protagonistak gaur egun non diren azaltzeko, eta bi orriko post scriptum bat ere badu edizio berritu honek, paperean inoiz argitaratu gabea.

Obra sortu zuelarik, Peetersek garatuta zuen jada trebetasun grafikoa eta kontatzeko gaitasun bikaina, eta Catirekin bizi duen istoriaz hitz egiten du albumean, euren harremana baldintzatuko duen GIBaz eta gainditu beharko dituzten emozio kontraesankorrez: gupida, errukia, pena, erru sentimentua edo maitasun aratz eta aldagaitza? Freskotasuna eta baikortasuna nagusitzen zaizkio ilunari eta fatalismoari, eta gaisotasunaren egunerokoari hurbiltzeko aukera ematen du batere sentzasionalismo edo biktimismo aztarnarik gabe; harrigarria da, bestalde, 27 urteko egile gazteak –adin hori zuen Frederik Peetersek komikia egin zuenean– agertzen duen heldutasuna.

Adin ertaineko gizon bat, ogibidez irrati-esataria, rock eta pop zaharrean espezializatua, eta aldi berean literatur kritikaria, nora ezean sentitzen da neska-lagunak utzi duelako, baina laster hasiko dira berri onak sortzen bere inguruan: neska autobus-gidari bat ezagutzen du, harreman posible bat ekar dezakeena; editore lana eskaintzen diote argitaletxe batean, bere idazle miretsienarekin lan egiteko aukera emango diona... Protagonistaren izaera txepelak, ordea, pikutara bidal dezake dena.
Nobela psikologiko errealista bat sortu du Mikel Hernandez Abaituak, espazio-denbora zehatzetan kokatua eta giza harremanetan zentratua, idazleen munduko trapu zikin batzuk ere kontatzen dituen arren. Estilo pausatua erabili arren, kontakizunaren interesak irakurlea harrapatu eta berarekin darama orriz orri. Klasiko bihurtzen ari den gure idazle handi baten itzulera, pertsonaiekin batera bizitzan funtsezkoa zer den galdetzera garamatzana.
Joan-etorri bat Euskal Herritik Amerikara, 40 urteko bidaia bat gure historian barrena.
Non bilatu hiltzailea, etxe barrukoak direnean gorrotorik zitalenak?

36ko gerrak irabazle eta galtzaileak izan zituen; baina galtzaile guztiak ez ziren berdinak, ezta irabazle guztiak elkarren adiskideak ere. Franco epelegia zelakoan, nazien laguntzaz iraultza egin nahi zuten falangista bilbotar batzuen istorio ezkutua dakarkigu Jose Inazio Basterretxeak, gerrako eta gerraosteko pasadizo ezezagunak fikzionatzeko bere eleberri-sortari jarraipena emanez. Horrekin batera, 1986an, 40 urte baino gehiago igarota, Suitzatik datorren emakume eder eta misteriotsu bat agertzen da detektibe pribatu bilbotar baten bulegoan, bere gurasoak nor ziren jakin nahi duela-eta. Bi hari horiek uztartuz, kontakizun bizi bat ondo du egileak, noiz umoretsu noiz sentsuala, historiaren alderik ilunenak argituz eta bizitzarekiko maitasun-taupadak transmitituz.