Gabriel Kortaren zazpigarren poesia-liburu honetan autoreak maitasunaren indarra aldarrikatu nahi du. Liburuan olerki trinkoak aurkituko ditugu, esanguraz eta sentimenduz beteak. 

Oinatz eta Goizaneren eskola ondoan bi kale-katu azaldu dira. Beste ikasle batzuek jolaserako erabili nahi dituzte. Katuei min egiteak grazia egiten die. Hura gutxi ez, eta Trumoi txakurra alboko itxitura txiki batean sartua dago. Egunetan ia jatekorik ez, urteetan laztan bat ere jaso gabe.

Oinatz eta Goizane animaliengana hurbilduko dira apurka. Egun batean, suak hartuko du eskolako hegal oso bat. Orduantxe ikasiko dute gazteek zer esan nahi duen lagun izatea. Benetako lagun.

Literatura sail honi hasiera emateko bidaien inguruko lau narrazio berezi bildu genituen Lau bidaia tituluko liburuan, eta gero, hamar urte geroago, antzeko zerbait egin genuen Lehen amodioa gaitzat harturik, lau idazle handiren lau harribitxi auke­ratuz, sekula ahazten ez omen den amodio ho­rren ingurukoak.

Lehenbizikoa, Lehen amodioa izenburua duena, Cesare Paveseren esku trebeari zor zaio, eta nahiko nabarmena da baduela kutsu autobiografikoa.

Bigarrena, Sylvie, nobela labur erabat erromantikoa dugu, hitzaren berezko zentzuan, Gérard de Nervalen lan garrantzitsuenetariko bat, eragin handia izan zuena Marcel Proustengan eta bere Denbora galduaren bila erraldoiaren "madalenaren" pasarte ospetsuaren sorreran.

Guy de Maupassanten Egun bat ibai ertzean ipuina da hirugarrena. Hori hartu zuen oinarritzat Jean Renoir zinema-zuzendari frantsesak bere film ederrenetariko bat egiteko, Une partie de campagne, hain zuzen ere.

Eta Samuel Becketten istorio bortitza duzu, irakurle, bildumatxo honen azken narrazioa, lehen amodioaren inguruko gorabeherei erremate on bat emateko.

 Igor Mercado eta Iñigo Basaguren-Duartegaz batera kaleratu dau Hermosillak “Idoloak akatu genituenekoa”. Barnezomorro argitaletxearen ipuin liburu hau punkrock eta hardcore abestietan oinarrituta dago. Hamazortzi talderen kanta bana abiapuntu hartuta idazle bakotxak bere kontakizuna egin dau.

 XX. mendearen erditsuan, abertzaletasunak berritu sakon bat izan zuen, eta arrazaren ordez euskarari eman zitzaion lehentasuna gure herria definitzeko eta eraikitzeko orduan. Gaur, XXI. mendean, planteamendu berriak entzuten dira, lehengo uste ziurrak zalantzan jartzera datozenak: hizkuntza, nazioarentzat mesede eta sostengu izan arren, ez ote da kalte edo traba estatu bat lortzeari begira? Hizkuntza, Nazioa, Estatua kontzeptuei eta haien arteko harremanei buruz hausnarrean jarri da Joxe Azurmendi, ez erudiziozko saio akademiko bat egiteko, baizik eta gaiaz interesa dutenekin elkarrizketa sustatzeko; ez polemika bilatuz, baina eztabaidari ihes egin gabe; historiaren argitan, baina etorkizunari begira

Enpresan mailaz eta soldataz igotzea, herentzia bat jasotzea, etxe bat erosi ahal izatea, lagun ugari edukitzea… Arrakastaren laukitxo guztiak beteak ditu Jezabelek, argi du zer nahi duen bizitzan eta zirt-zart hartu ohi ditu erabakiak. Halako batean, ordea, txikikeria batekin paralizaturik geratuko da. Emakume gazte baten nora eza darabil Kattalin Minerrek gure gizarteko hainbat gai giltzarri jorratzeko: familia eta bikote ereduak, heteroaraua, harreman batean bilatzen duguna… Nortasunez beteriko lehenengo eleberri bat, irakurlearen gogoa astindu eta zer pentsatua emango diona.

Bi ahizpa, urtetan elkar ikusi ez dutenak, bat-batean amaren heriotzak berriro elkartu dituen arte. Asko dute batak besteari esateko, urrun egon diren bitartean bakoitzari gertatu zaizkionak, eta baita lehenagotik nork bere kolkoan gordetakoak ere. Otzan eta esanekoa izana da bata, errebelde eta lotsagabeagoa bestea, ama estu eta zurrunaren alabak biak ere. Trapu zikinak etxean garbitzeko aginduaren kontra, isilpekoak argitara aterako dituzte Arratek eta Begoñak, beren arteko arrangurak eta ezin ulertuak sendatzeko, hezkuntza zikiratzaile baten min herdoilduak goxatzen saiatzeko. Hika teatro taldearentzat idatzitako antzezlana eleberri bihurtu du Arantxa Iturbek sentiberatasunez eta trebeziaz, hitzekin duen dohaina eta pertsonaiekin duen enpatia agerian utziz.

 Izenburu bat jarri behar banio liburu honi, hauxe jarriko nioke: «Errekartetxo ospetsuaren bilobak 130 jasoaldi eman dizkio harriari» edo «130 harri jaso ditu». Guk euskaldunok harriarekin berezitasun bat egin dugu beste
herrialde batzuekiko. Toki guztietan indarrez mugitu izan dira harriak eta harria erabili dute indarrak probatzeko, indar hori premiazkoa [beharrezkoa J zenean, miretsi egiten zen eta guk indartsua miretsi izan dugu. Baina, era berean, indar soilak ez duela balio jabetuta. Indarra erabiltzeko moduak asmatu eta harria bera harrobitik hartu eta eratu, forma eman, sailkatu, neurtu, prestatu ...
lñaki Perurena

Este libro no es un libro sobre el levantamiento de piedra. No es esa mi intención. Tampoco, naturalmente, convertir la harrijasoketa en mero adjetivo o en sólo un escenario, sino más bien en algo que es para mí mucho más valioso: en catalizador, en texto que me permite profundizar y elevarme al mismo tiempo, en una doble raíz, hacia lo que sí es de mi interés, por ser el objeto de mi afán indagador como poeta: el hombre, el ser, la vida y el misterio que somos.
Juan Manuel Uría

 Angela Davis pentsalari eta aktibista ezagunak emakume, beltz eta klase sozial apalekoa izateak dakartzan hiru zapalkuntzak lotu zituen aurreneko aldiz liburu honetan. Esklabotza sistema, mugimendu abolizionista eta sufragista, abortua edota etxeko lanak problematizatzen ditu, eta horrekin, ordura arteko feminismoa, hau da, feminismo zuria, arraza eta klase menperakuntzekiko itsu izan zela agerian utzi.

Hiru aldiz zapaldua denak hiru aldiz errebelde eta hiru aldiz aliatu izateko aukera eta zoria duela aldarrikatzen du pentsamendu feministaren lan mugarrietako bat den honetan.

Gaurko gure errealitatea ulertzeko ez ezik, eraldatzeko tresna ere bada Emakumeak, arraza eta klasea liburua.

Konspiratzea elkarrekin arnasa hartzea delako. ESKAFANDRA bilduma feminista.