Kuluku gainean haize leun gozo batek orrazten ditu belar eta zuhaixkak. Lekua eta eguraldia aproposak dira parapenteak probatzeko eta horretarako daude hantxe Gabriela eta Abelardo armiarma parea. Talaia eder hartatik aztertu dute hiria eta erabaki dute erroskila itxurako teilaturik gabeko etxe biribil handian hartuko dutela lur: zezen-plazan. Bidean, ordea, galdu egingo dira eta nahikoa lan izango dute berriz elkartzeko. Bi armiarmen ikuspegitik hainbat abentura bizitzera eta animaliei gizakiei buruz gogoeta egitera eramango du irakurlea ipuin honek.

Greg gizajoa! Ez du, ez, batere bolada ona azkenaldi honetan. Rowley Jefferson lagun minak neska laguna egin du, eta, neska lagunarekin dabilenetik, ez dio berari kasu zipitzik egiten. Larria da egoera, atera kontuak: Manny anaia txikiak ere berak baino lagun gehiago ditu!

Baina Greg ez dago amore emateko prest, eta edozer gauza egitera erabakita dago, behingoz eskolako mutil ospetsuena izateko. Lortuko ote du bere helburua? Edo gizajo baten modura biziko da beti?

Eleberri honek Iqbal Masih mutil pakistandarraren benetako historia kontaten digu, umeen lan esplotazioen aurkako sinboloa bihurtu dena. Beste zenbait ume mordoa bezalaxe, bai Pakistanen bai munduko beste herrialde txiroetan legez, bere familia nekazariak Iqbal saldu zuen 16 dolarreko mailegua ordaintzeko. Iqbalek alfonbra lantegi baten egin beharko du lan egunero 12 orduz rupia bakar bateko soldataren truke familiak duen zorra kitatu arte (sekula gertatuko ez dena).

Iqbal Ume Langileen Akatasunerako Frontearekin harremanetan jarriko da eta borrokatu eta ihes egingo du lanetik. Geroxeago, elkartean parte hartuko du eta beste zenbait ume askatzen lagunduko du. Nazioarteko komunikabideek horren oihartzuna izango dute eta 1994an Gazte ekintzaileak Reebock saria eman zioten eta beka bat zuzenbidea ikasteko.
Pakistanera itzuliko da eta...

 Narrazio laburra
Olerkia
Bertso Paperak

Azken mende erdian baserri-bizitzak alimaleko eraldaketa jasan du eta liburu honek baserritarrak zetozen aldaketa erraldoiei aurre egiteko beren burua sindikatuetan antolatzeko prozesua azaldu nahi duo Herriko  baserrietatik baserritarren sindikatuetara egindako jauzia argitu nahi  du lanak eta, zentzu horretan, Euskal Herriko nekazaritza-sindikatu nagusien historia txiki bat da.

Laborantza munduan ego n diren aldakuntzak eta bilakaerak hobeto ulertzeko tresna ere bada: esne grebak, traktoradak, kuotak, administrazioarekiko harremanak, transgenikoak, jatorrizko izendapenak, elikadura krisiak ... Liburuak hauek guztiak jorratzen ditu, baina haratago ere badoa, lan honen asmoa ez zelako soilik azken hamarkadetan baserriari gertatutakoa azaltzea, baizik eta testuinguru horretan baserritarrak sindikatuetan nola antolatzen hasi ziren kontatzea, zerk eragin zituen mugimendu haiek, nortzuek eta nola gorpuztu zituzten, eta nola erantzun dioten nekazaritza hainbeste baldintzatu duen testuinguru politiko eta sozioekonomiko berriari. Eraldaketa prozesu horretan Euskal Herriko laborariek munduan nagusitzen den eredu produktibistari aurre egiteko proposatzen duten nekazaritza eredu berrian eta elikadura burujabetzaren kontzeptuan ere sakondu nahi du lan honek, biak ala biak gure herria eta mundua bera eraldatzeko ezinbesteko tresna direlakoan.

Munduan zenbait egoera aldatu egiten da urteen poderioz: biztanle-kopuruak hazi edo txikitu egiten dira, estatu berriak sortu, hiriburuak aldatu eta abar. Horrez gain, toponimoen euskal formak ere finkatuz eta zehaztuz doaz, eta Euskaltzaindia zerrenda horiek kaleratzen ari da etengabe.

Hori kontuan hartuta, Elhuyar atlasari berritu bat eman diogu, eta datuak eguneratuta eta osatuta jaso ditugu: toponimoen euskal forma eguneratuak, Hego Sudan estatu berriaren datuak, Erresuma Batua Europar Batasunetik irteteak marraztu duen mapa berria, emakumeen populazio- ehunekoak eta zenbait atal entziklopediko, unibertsoari, Lurrari, atmosferari eta klimari buruzko azalpenak emateko, besteak beste.

Horrez gain, Elhuyar atlasarekin batera, webgunera sartzeko kodea eskuratuko duzu; erregistratu, eta bertan aurkituko dituzu geografian aritu eta trebatzeko jokoak eta mapa mutuak.

Gasteizen, Arabako Lurralde Historikoaren Agiritegian 2017ko ekainaren 1etik abuztuaren 31ra egindako erakusketaren katalogoa.

Argitalpen honetan jasotzen da 2017ko maiatzean Kulturaten egindako erakusketarako bildu den dokumentazio grafiko eta idatzizkoa.

Liburuak, Artikutzatik Errenterira zihoan meatzaritzako trenbidearen historia aztertzen du. Bere garaian, Iberiar penintsulako burdibiderik luzeena izan zen, 600 mm-ko zabalera zutenen artean.

Bizkaiko bidaiarien errepide bidezko garraioaren historiari buruzko "Diligentziatik Bizkaibusera" erakusketaren katalogoa.