Neskatila batek bere lorea zaintzearen garrantzia ulertuko du, jolasa, irudimena eta irribarreari esker. Bere amona izango da zirraraz eta ikasketaz beteriko bidai honetan gidatuko duena. Ipuin honekin irakatsitako erantzukizunaren atzean guztiok barnean daukagun lorea zimeltzen duten itzalak aurki ditzakegula ikasiko dugu. Eta hau ere dibertsioan, sormenean eta partekatzean dagoela.

Bazen behin ogro maltzur bat, zekena bezain itsusia.

Herrialde osoko jaun eta jabe zen eta biztanle guztiak kikilduta zituen, halaxe bizi ziren ere Haizea eta bere lagunak, egoera goibel hartan.

Bazen behin, erlojugile zahar bat. Erlojugilea, Etxezuri etxeburutik Bakuera bitarteko baso ondoko etxetxo batean bizi zen.

Bere betaurreko borobilak, ia-ia sudur puntaraino jaitsita eta petodun galtzak zerrauts fin-fineko geruzatxo bat izaten zutelarik, ibiltzen zen beti.

Bizilekua, lanleku ere bazuen aguretxo lasai eta bihozbera hau, hormetan kokatzen diren ordulariak eginaz bizi zen.

Ikusmena eta eskuak ere, zaharkituak zituen arren, ordulari politak oso egiten zituen. Trebezia handiz maneiatuz gubia ttiki bat, zurari forma ikaragarri ederrak ematen zizkion horrela.

Askorik ez zuen saltzen baina, ofizio-urte asko zituen gizon iaioak.

Bakarrik bizi zen baina basoko abere zein hegaztiak adiskide onak zituenez, beti zuen etxetxo hartan txoritxoren bat solaskide.

Batxilergoko eta unibertsitateko ikasleei Euskal Herriko Historia Garaikidearen agiri garrantzitsuenak helaraztea da eskuliburu honen helburu nagusia. Testu hauek euskaraz eskaintzen dituen lehen liburua duzue honako hau. Modu honetan, kontuan izanda euskal hezkuntza sisteman, gaur egun hizkuntza nagusia euskara dela, euskaratutako testuak baliatzean, euskaraz ikasten duten ikasleek errazago ulertuko dituzte XIX. eta XX. mendeko historia prozesurik garrantzitsuenak orduko testuen bidez.
Bestetik, euskaldun irakasleei euskaraz ikasi duten ikasleentzako eskolak prestatzea eta ematea erraztuko die, baita unibertsitatean sartzeko probei begira ere lagungarria izan dakieke.

Anarchivo sida (HIES Anartxiboa) erakusketa Equipo re (Aimar Arriola, Nancy Garín eta Linda Valdés) taldearen ikerketa eta ekoizpen prozesu baten emaitza da. Europako hegoaldean eta Latino Amerikan izandako hies krisialdiaren inguruko kultur ekoizpena hartzen du abiapuntu. Proiektuak GIB/hiesa aztertzen du ez soilik epidemia medikal bat den aldetik, baizik eta paradigma ikusizko, afektibo eta ekonomikoaren aldaketa den aldetik, politika neoliberalen eta globalizazio prozesuaren sendotzearekin elkarbizitzan dagoena.

Materialak ikertzen eta ekoizten hiru urte eman ondoren, Anarchivo sida erakusketa moduan aurkezten da Tabakaleran, Carme Nogueira artistaren lankidetzarekin erakusketaren diseinuan. Natura /kultura artikulazio klasikoa aztertuko du erakusketak, hiru auziren laguntzaz: gizakia animaliarengandik bereizteko joera historikoa; heriotzaren kultur dimentsioa; eta osasuna, gorputz batzuk normaltzat eta beste batzuk gaixotzat jotzeko konbentzioa bezala ulertua.

Horrela bada, laurogeiko hamarkadako erdialdetik orain arteko edukiak aurkeztuko dira erakusketan. Lehenago inoiz elkartu gabeko materialak dira: artisten ekoizpenak, performanceen eta ekintza aktibisten dokumentazio fotografikoa eta bideozkoa, prebentzio kanpainetako bideoak, prentsa ebakinak eta bestelako materialak. Erakusketarekin batera, mota askotariko publikoetarako jarduera programa bat izango da halaber.

Aniztasunaren bitakora’ bizitzarako erabilera-eskuliburu dibertigarri bat da. Maitatzea, jatea, ospatzea, lo egitea, bizitzea, festa egitea, sinestea, sortzea, eraikitzea eta zaintzeari buruzko kontakizun bat da hau. Guri, emakumeoi, gizonoi buruzko liburua da hau.

Hazitegiak sorkuntza-prozesuetan inplikatutako eragileen artean -hau da, sortzaileak, ekipamenduak eta herritarrak- harremanak izateko modu berriak proposatzen dituen ekimen bat da.

Mugalariak programaren katalogoa, Hazitegiak kaian kokatua, Donostia Kulturak gidatua eta Artaziak kolektiboak garatua, Donostia 2016, Europako Kultur Hiriburua proiektuaren barruan.

Ikuskizun ludiko honetan gastronomiak plazerari eta nutrizioari lotutako zeregina gainditzen du, bere alderdi antropologikoena aldarrikatzeko, literatura, ikus-entzunezko arteak eta arte eszenikoak, antropologia, gastronomia eta historia batzen dituen eszenaratze baten bidez.