"Dayanne eta Murillo. Nanozientziaren indarra" komikia, nanoKOMIK proiektuaren emaitza, sortu du DIPCko Itziar Otegui eta Amaia Arregi koordinatzailek. Komikia, nanozientzia eta nanoteknologia erabiliz materiak eskuratzen dituen ezaugarri harrigarriak kontatzen dituen istorioak eskaintzen du. Komikia, Euskal Herriko txoko ezberdinetan eta Bartzelonan ere ikusi ahal izan zena, eta 2017 urtean nanoKOMIK bigarren erronka antolatu zen.

3.800 film eta Bilboko zinemak, grafikoki lotuta.

Oscar guztiak 1945etik 1970era.

Prospektuaren historia.

Bilboko zinemen zerrenda.

Urte horietako zentsurari buruzko oharrak.

Koldo Zelestino Sanperren "Herrigintzatik naziogintzara: Euskal herrietako dinamikatik abiatuta nazio eraikuntzara" liburua euskal nazionalismoaren dinamikari buruzko ikerketa sakona da. Nazionalismoaren alderdi historiko eta garaikideak aztertzen ditu euskal autodeterminazio-mugimenduaren testuinguruan.

Zenbakizko metodoak I irakasgaian Matematika Graduko 2. mailako euskarazko ikasleek duten hutsune bibliografikoa liburu honen bidez betetzea da testugile honen helburu nagusia.

Liburu honen bidez zenbakizko metodoen oinarriak eskainiko dira, bai ikuspuntu teoriko batetik, bai ikuspuntu aplikatu batetik. Iraganean, zenbakizko analisian eta teorian oinarritzen zen zenbakizko metodoei buruzko ikasturte bat, baina, gaur egun, irakasgai horren edukia garatzean, kontuan hartu behar dugu ordenagailu ahaltsuak eta kalkulu-software eraginkorrak eskura izatea. Oraingo joera, gero eta gehiago, aplikazioetara eta inplementazioetara joatea da, jadanik prest dagoen kalkulu-tresneria erabiliz.

Ikasturte batean, ikasleek zenbakizko metodoen oinarriak ikasiko dituzte. Gainera, ordenagailu-lengoaia batean programatzen ikasiko dute, eta software aurreratua erabiliko problemak ebazteko tresna gisa. MATLAB da horrelako softwarearen adibide egoki bat. Ikasleek beren programak idazteko erabil dezakete pakete informatiko hori, eta haren funtzioak problemak ebazteko tresna gisa.

Liburu honek oinarri duen tesia hiri-bazterreko paisaien izaeraren interpretazioari buruzko lan bat da. Ikerketak jorratu duen arazoa konbinazio bat da; batetik, paisaion izaera kontzeptualizatzeko ohiko irudikapen problematikoa edota generikoa legoke, eta, bestetik, paisaia-plangintza eta paisaien zaharberritze-prozedurentzat paisaiok behar bezala ezagutzen ez diren tokiak direnez gero, egiten duten erronka legoke.

Proposamenak oinarri teoriko konstruktibistak dituen tresna bat garatzen du eta hura frogatzeko Bilboaldeko hiri-bazter menditsuko paisaia-interpretazioa jorratzen du. Estrategia erreflexibo bat dela medio, hiru pauso nagusiri jarraitzen dien metodo interpretatzaile bat osatu da. Hasteko, aurrekari bibliografikoen berrikuspenaren bitartez, interpretaziorako testuinguru teorikoa egin da, eta hiri-bazterreko paisaiaren izaera teorikoa ere ezarri da. Ondoren, proposatutako interpretaziorako paisaia-ikuspegia tresna ikerketan aplikatu da. Aplikazio horrek beste bi pauso egin ditu: landa-lana eta artxibo-lana, alegia.

Hiri-bazterreko paisaietako eraikuntza ukigarri eta ukiezinekiko tresnak duen jarrera interpretatzaile zabal eta enpatikoak lekuan lekuko analisi-prozedura tradizionalak osatzeko ahalmena izan dezake.

Esku artean duzun liburu honetan Meatzaritza eta Energia Teknologiaren Ingeniaritzako Graduan aurki daitekeen Elektronika eta Kontrol-Sistemak irakasgaiaren programa jorratzen da. Beraz, liburuak, irakasgai horren dozentziarako, zein beste ingeniaritzetarako baliogarria izatea du helburu, elektronika eta kontrol-sistemen oinarrizko azalpen eta gaiak agertuz.

Liburua bi zati ezberdinetan banatu da, teoria batetik eta laborategiko praktikak bestetik. Hartara, teoriako lehenengo bost gaietan elektronikaren oinarriak lantzen dira, eta seigarrenetik hamaikagarrenenera berriz, kontrol-sistemen diseinurako hastapenak. Ondoren, laborategian egiteko hamabost praktika-saio proposatzen dira, non lehenengo bederatziak elektronikari dagozkien eta azken seirak kontrol-sistemei.

Irakasgaia lauhilabete bakarrean ikastekoa da, beraz, gaiak ez daude sakontasun handiz garatuta. Izan ere, oso zabalak izan daitezkeen bi arloren funtsa jaso nahi izan da. Hortaz, interesa piztu eta gaiak sakonago garatzeko abiapuntu aproposa izan daiteke honako liburua.

UPV/EHUko Laneko Segurtasuna eta Osasuna masterreko egresatu Amaia Ituartek, 2016ko bere Master Amaierako Lan honetan, Euskadiko ekonomian gakoa den lehen sektoreko arrisku psikosozialeko faktoreen azterketa analizatzen du, arrantzarena, hain zuzen. Europako arrantza jarduera osoan bezala, XX. mendeko bigarren erdian sortu zen krisi garrantzitsu bat ari da igarotzen, eta etengabe ikusten ari da azken urteotan; horrela, duela 30 urte zeuden 8.000 postuetatik 2014ko 1.985etara igaro da.

Sektore horretan gehiengo handi bat gizonezkoak dira, % 85etik gora, eta % 70 inguru 36 eta 55 urte arteko adin tartean daude, belaunaldi aldaketa argirik gabe. Gehienek lehen ikasketak egin dituzte, baina % 2,4k soilik dituzte goi mailako ikasketak; gainerako jardueretan, berriz, % 28,1ek. Sektore honetan nagusi dira langile autonomoak eta soldatapekorik gabeko enpresaburuak, langileen presentzia txikiagorekin.

Ikus-entzunezko Komunikazioari buruzko Lege Orokorra funtsezko lege bat da gaur egungo informazio-gizartean. Sektore hori arautzeak ikuspuntu askotatik du garrantzia. Parte-hartzaileak eta administrazio eskudunak ere askotarikoak dira. Ikus-entzunezko Komunikazioari buruzko Legeak sektore horren bilakaera teknologikoarekin loturiko alderdiei eragiten die, batez ere irrati-telebista analogikoak atzera utzi eta digitaletara jauzi egin denez geroztik. Transmisio-aukera urriak izatetik aukera zabala izatera pasatzea bilakaera esanguratsua da, eta oso eragin garrantzitsua izan du alor horretan aplikaturiko ikuskera juridikoetan. Bilakaera teknologiko horrek orobat eragiten die ekonomiari, oinarrizko eskubideei, eta kontsumitzaileen eskubideei, besteak beste.
- - - - - - - - - - - - - - - - - - - - - - - - - - -
La Ley General de la Comunicación Audiovisual es una Ley de importancia fundamental en la sociedad de la información actualmente existente. La regulación de este sector tiene importancia desde perspectivas muy diferentes. Los actores y las administraciones competentes son también diversas. El significado de la Ley de Comunicación Audiovisual afecta a aspectos vinculados a la evolución tecnológica del sector, especialmente con la superación de la radiotelevisión analógica y el paso a la digital. De la escasez de posibilidades de transmisión a la existencia de amplias posibilidades, la evolución es significativa y ha tenido un efecto muy importante en las concepciones jurídicas aplicadas en este campo. Esta evolución tecnológica afecta también a la economía, a los derechos fundamentales y a los derechos de los consumidores, entre otros aspectos.

 Baztango nekazaritza XXI. mendean zertan den argitzeko nahiarekin Hazitik hozie elkarteak Julen Arburua, Aitor Azkarte eta Ana Iriarte baztandar nekazari gazteekin mahai-ingurua antolatu zuen. Gogoeta horretan belaunaldi-aldaketaz, sektoreko lan-baldintzetaz, formazioaz, herri-lurretaz, nekazaritzako azpiegituretaz (hiltegia, kooperatiba...), kontsumitzaileen arduraz, bailarako gainerako sektore ekonomikoei buruzko harremanaz e.a. aritu ziren. Orduan errandakoek ondorio borobilak eskaini baino sektorea biziberritu eta indartzeko akuilu izan nahi zuten eta, modu horretan, liburuxka argitaratu da.
Argitalpen hau Metaziri kolektibo editorialaren eta Hazitik hozie tokiko garapenerako elkarte herritarraren arteko elkarlanaren emaitza da. Bi taldeak, Baztango mugimendu herritarren parte dira. Liburuxka hau ekonomia herritar, solidario eta bertokiratua sortzeko bailaran abiatu den prozesu sozialaren baitan ulertu beharra dago.

Paisaia hartu zuten gaitzat iaz Eako Poesia Egunetan, eta Baztango paisaiari buruz hitz egiteko eskatu zioten Iriarteri. Hark Ean emandako solasaldia jasotzen du liburuxkak.

Poesia eta prosa aztertuz, literatura landa eremuaz eta Baztani buruz nola solastatu den azaltzen du egileak.