Bautista Landa, Tretatxu (1716-1761), lapurra izan zen. Baina ez edonolakoa, auzitegietan agiri sorta lodiak eragin zituenetakoa baizik. Legez kanpo karrera laburra egin arren (1751-1753), milaka orrialde idatzi zituzten haren kontrako salaketa eta frogekin. Zorionez, gehienak gorde egin dira eta ikertzaileen esku daude. Horiek baliatu ditu egileak, Hektor Ortega historialari eta kazetari bizkaitarrak, Landaren bizitza berreraikitzeko. 

"Sasoi ferboros hartan, Moscu´-ko Neva ibaiko izotzean eginiko zulo baten inguruan bataio jendetsuak ospatzen ziren. Behin batean, bataiatzen ari zen artzapezpiku ortodoxoari haur bat eskuetatik linburtu zitzaion eta ur hotzetan desagertu zen; artzapezpikuak, "davai drugoi" –emadazue beste bat– erran, eta bataiatzen segitu zuen".

Herder

"Desertuan bizi diren hinduek arrainik janen ez dutelako promesa egiten dute".

Goethe

'Pelegrinak' narrazio liburuak hainbat erlijiori lotutako hogei ipuin edo kondairaren bidez, Asiatik Antilletarainoko bidaia egiten du.

Sare sozialen sasoian, ikuskizunaren gizarte post-industrialean, bi artista, Miren eta Jon, eta artea ulertzeko modu bi, talkan. Artistaren galderak XXI. mendearen aurrean: zenbat da obra eta zenbat artistaren marka? Zer gertatzen da pertsonaia guztiz jabetzen denean pertsonaz? Nola kudeatu arrakasta eta nola porrota? Adiskidetasuna eta inbidia, itxura eta itxurakeria, konpromisoa eta kontraesanak, sobreak eta txekeak: horiek guztiak dira Danele Sarriugarteren bigarren nobelaren ardatzak.

Eskuartean duzun hau ez da ohiko liburu bat, eta ez du izateko asmorik ere. Eskuartean duzuna, bihotzeraino heltzen diren gutunez osatutako bilduma bat da. Azken lau urteotan GURASOEI GUTUNA idazlan laburren lehiaketan parte hartu duten ehunka gutunen artean aukeraketa zail baten ondoren, gutun sakonenak, gutun sentituenak, aukeratu ditugu.

 2017ko apirilaren 7an, ia hirurogei urteko ibilbidea eginda eta bere jarduera militarra behin betiko utziko zuela iragarri zuenetik sei urtera, ETAk bere burua «erakunde armagabetutzat» jo zuen. Egun bat geroago, erabaki hori gauzatu egin zen, bakearen artisauek armagabetzea in situ zainduta. ETAren adostasunarekin, gizarte zibilak bere gain hartu zuen armen eta lehergailuen gaineko erantzukizun politikoa eta teknikoa, eta, hala, Madrilek eta Parisek inposatutako blokeoa hautsi zen.

Egun historiko hura Aieteko Konferentziarekin abiatutako bide bihurgunetsu baten emaitza izan zen. Bide hori zailtasun handiekin egin zen, zailtasun horiek ausardia eta irudimen dosi itzelekin gaindituta. Armen inbentario- eta zigilatze-prozesua, zeina poliziaren presio etengabearen pean egin zen, eta artisauen Luhusoko desobedientzia zibileko ekintza egin ez balira, armagabetze ordenatu baten helburua ameskeria izango litzateke gaur egun.

Liburu hau garrantzi handiko gertakari hartan esku hartu zuten eragile guztien makina-gelara iristeko aukera eman duen talde-lanaren emaitza da, eta informazio zehatza eta eragile politiko eta sozial nagusien, artisauen, nazioarteko eragileen, ordezkari instituzionalen eta dagoeneko armagabetuta dagoen erakundeko mintzaideen lekukotzak jasotzen ditu. Orain arte argitaratu gabeko dokumentu eta material fotografikoz osatu da, eta euskal gatazkari aurre egiteko modua aldatu zuen eta, zalantzarik gabe, munduko hainbat tokitan gatazka politiko armatuetarako konponbideak bilatzeko lanean ari diren pertsona guztientzako erreferentzia izango den prozesuari buruzko kontakizun osoena da; euskal bideari buruzkoa, alegia

 Urtebete igaro da artistaren heriotza goiztiarretik, eta Kubo Kutxan egingo zaion merezitako lehenengo atzerabegirako honek, ehunetik gora obra bisual zein soinuzko biltzen dituen honek, aukera emango digu 80ko hamarkadaren erdialdean hasitako artistaren diziplina anitzeko sormen-ibilbidea hobeto ezagutzeko.

Liburu guztiz erakargarri honek ederki lortzen du teoria-aukera nagusi guztien azalpen argi bat ematea, jarrerak epaitu gabe baina kritika saihesteke, bere testuinguruan kokaturik bakoitza. James Mayall, Review of International Studies

Testua grazia, erritmo eta jostagarritasun halako batez idatzia da. Ikasleek –eta haien irakasleek– onura handia aterako dute irakurketatik. Baita ondo pasatu ere!. N.J. Rengger, Political Studies

Argitaraldi berri bikain honek sendotu egin dit liburu honi buruz lehendik nuen iritzia, denetan egokientzat baitaukat testu hau Nazioarteko Harremanei ekin behar dietenentzat. Ulerterraz eta konbentzigarria da, arinegi pasatu gabe hala ere gaien konplexutasunaren gainetik. Anthony F. Lang, Jr, University of St Andrews

Autoreek sistematikoki lantzen dituzte Nazioarteko Harremanen teoriako ikergai klasikoak –boterea, interes nazionala, kanpo-politika eta gerra–, eta orobat aztertzen dute globalizazioak segurtasunean, gobernantzan eta mundu-ekonomian izan duen inpaktua. Horrenbestez, agerian jartzen dute nola hizpide diren teoriak baliagarri diren zentzua emateko munduko gertakarien puzzleari: Errusia eta Txinaren gorakada, mundu-ekonomiaren beheraldia, Estatu Batuen rolaren aldaketa, identitate-politika nahiz giza eskubideak. Argia bezain zorrotza, Nazioarteko Harremanak zer diren hau, irakurgai kitzikagarria ez ezik, sarrera bikaina da nazioarteko harremanen teoria eta praktikarako.