Bere genero kuttunari leial, ipuin liburu berri bat dakarkigu Iban Zalduak. 32 ipuin dira guztira, gehi kontrazalean doana. Istorio aski laburrak oro har, gaien, estiloen eta tekniken ugaritasuna erakusten digutenak, eta guztietan ere egilearen trebezia: egunerokotasunari azpilak bilatzen dizkioten kontakizunak, fantasiari zirrikitu bat irekitzen diotenak, bikoteen arrakaletan arakatzen dutenak, euskal gatazkari geruza berriak bilatzen dizkiotenak, elkarrizketa-bidezkoak, txosten gisakoak, jostalariak, dramatikoak, ironikoak...  

Liburuaren aurkezpen eguneko bideoa.

Elkar ezagutzen ez duten neska bik, Saioa eta Edy, topo egiten dute pisu batean droga erosten. Aurretik pentsatu gabe, zoritxarreko gertakarien katean, haietako batek saltzailea hil egingo du, eta, trafikatzaileen mendeku ziurraren beldurrez, biek ihes egin beharra izango dute. Saioak urte batzuk lehenago psikiatriko bateko egonaldian ezagututako Landerri deituko dio, mutil isil eta misteriotsua. Landerrek lagundu egingo die, eta mendialde bakarti batean galdutako txabola ezkutu batera eramango ditu, gauzak baretu arte. Bere bakardade eta edertasunean, aldi berean paradisu eta infernu bihurtzen zaie naturaren erdiko paraje ahaztu hori: hirurak ere elkarri begira daude, mesfidantzaz, jokoa bere aldera eramango duen karta ezkutua noiz aterako zain, thriller psikologikoaren eta terrorezkoaren osagaiak batzen dituen nobela labur baina trinko honetan.

«Oiartzunen pilota. Pilotasorotik Madalensorora» liburuak euskal pilotaren mundu liluragarrian murgiltzen gaitu, Euskal Herriko tradizioan eta kulturan errotutako kirol modalitate batean. Antton Kazabon, Anton Mendizabal, Joxemari Mitxelena eta Unsain idazleek, liburu honetako orrialdeetan barrena, kirol liluragarri honetan erabilitako historia, arauak, pilota motak eta teknikak ezagutzera eramaten gaituzte.

Hizkera erraz eta atseginean, euskal pilotak euskal gizartean duen garrantzia kontatzen digute egileek, baita jokalariengan zein ikusleengan pizten duen pasioa ere. Pasadizoen, argazkien eta pilotari nabarmenen elkarrizketen bidez, trebetasuna, estrategia eta tradizioa uztartzen dituen mundu batean murgiltzen gaitu liburuak, partida eta lehiaketa zirraragarriak sortzeko.

«Oiartzunen pilota. Pilotasorotik Madalensorora» ezinbesteko irakurketa da euskal pilota maite dutenentzat, baita askorentzat hain berezia eta ezezaguna den mundu honetan murgildu nahi dutenentzat ere. Liburu honekin, euskal kulturan hain errotuta dagoen kirol honekiko sentitzen duten grina eta harrotasuna transmititzea lortzen dute egileek, euren sustraietara eta balio tradizionaletara hurbilduz. Euskal pilota bere distira osoan ezagutzera eta gozatzera gonbidatzen gaituen obra.

Gauza asko oso ongi egiten dakigun herria da gurea. Horren adibide garbia da Udal Musika Bandaren urteurrena. Aitzakia handirik ez badugu behar ere, modu batera edo bestera, gure musikari guztiei, eta konkretuki bandako kideei, errekonozimendua egiteko baliatu nahiko genuke, aukera hau.

Gure lana aurrehistoriako arrastoen aurkikuntzan oinarritzen da, bai haitzuloetan, baita aire librean ere. Gipuzkoako Foru Aldundiaren baimenarekin ikerketako lehen fasean murgiltzen gara, hau da, mendian miaketak eta zundaketak egin, laginak analizatu eta azterketa bat egiten dugu, aurkikuntzaren ezaugarriak neurtzeko.

Lan hauek arkeologo profesional batek gainbegiratzen eta zuzentzen ditu, eta ikerketako lehen fasea amaitzean, Gipuzkoako Foru Aldundiaren Arkeologia gordetegira eramaten dira dagokien azterketa sakona eta katalogazio ofiziala egiteko.

Beñat. Gaztea. Teknofriki amorratua. Neskekin beno, tira. Oraintxe arte! Aurrean baitu Maider, katu-begi misteriotsu eta erakargarria. Gaua baino ilunagoa eta asmo ezkutukoa.
Maiderrek min egiteraino menperatuko du Beñat, mutila gogor egiten saiatu arren. Sexua eta itzal ilunak zorabiagarriegiak egiten zaizkio, ordea. Gutxi ez, eta Jaione ere inguruan izango du.

Zuloaren ertzean ibiliko da Beñat: ulertu nahian, urtu eta berpiztu nahian, atzera egin ezinean. Hainbeste
zalantza, beldur eta eromen!
 

Erakusketa honek haren film guztiak eta telebista nahiz antzerkirako egindako kolaborazio guztiak biltzen ditu lehenengoz, Artegunea aretoan.Modu kronologikoan kontatuta, Eloy de la Iglesia. Desira Objektu iluna erakusketak gure historiaren lau hamarkada baino gehiagoren erradiografia zehatza egiten du.Zinema gutxik bezala bizi, maitatu eta egin zuela esan genezake:sentsualki, egiaz eta eromenera iritsi arte.Maitatua eta gorrotatua, haren planteamenduak ez ziren inoiz oharkabean pasatu.

Hamarkada bat ahaztuta igaro ondoren, Eloyk harrotasunez zioen zineman jarraitzea zela berarentzat bizitzeko arrazoi bakarra. 

Eskuartean duzun liburua indarkeria matxistarik gabeko jendartea írudikatzeko ahalegin kolektíboa da.
Auzolana eta herritar izaera ditu zutabe eta Nagore Laffage eta patriarkatuaren biktima izan dren emakume guztiak izan nahi dltu gogoan.
2oo8ko uztailaren 7an hil zuten Nagore Laffage. Ordutik baina, izugarria izan da haren amak, Asun Casasolak. erakutsitako indarra eta kemena. Bere izena duen Ipuin Lehiaketarekin Asun omendu nahi izan dugu
Irungo hainbat eragilek. baita lehiaketak izandako bi edízíoetan parte hartutako 500 pertsonek ere.
Ipuin horietako batzuk eskuartean dítuzu orain, hainbat emakume ilustratzailek mimoz egindako rnarrazkíekín
lagunduta.
IIusioz eta elkarlanean erditutako lana da hau, orain zure proíektua ere badena.
Gozatu, hausnartu eta elkarbanatu.
Guztiok garelako Nagore.

Bilduma honen lehen liburua, “Baso baten egunerokoa”, jaio eta hazi nintzen lekuaz mintzo zen: Goizuetaz.

Bigarren liburu hau, lehenaren jarraipena dela eta xenda eta izpiritu bera jarraitzen duela erran daiteke, baina, Euskal Herri osoko paisaiari zabaltzen dio mapa.

Etxetik aterarazten nauena zera da: Lau aroetako gune ederrenak eta toki esanguratsuenak atzematea kamararekin. Ideia:Beraiengan aurkitzea irudiek erakusten diguten izkutuko zehaztapena.

Era horretan, ezagutzak eta esperientziak hitz bakarrean bat egiten dute: Harridura.
Bidaia, beraz, leku berriez eta une ahaztezinez lepo dago, zeintzuk metatzen doazen “Esentzia” izenez bataiatu nahi izan dudan liburu honetan.

XXVI. Ernestina de Champourcín Poesia Lehiaketa 2015