Arantzazu kantagaitzat hartu izan duten euskal olerkariak agertzen (70 bat), eta beraien olerkiak (107) jasotzen ditu ADK liburu sailaren V. tomo honek. Bertan ez daude sartuta, ordea, Salbatore Mitxelena eta Bitoriano Gandiaga Arantzazuko fraide olerkari handiak, leku guztiz apartekoa betetzen duten arren Arantzazuko poemagintzaren historian; horren adierazgarri dira bereziki ADK saileko VI. tomoa Mitxelenarentzat, eta VII.a Gandiagarentzat; tomo honetan, berriz, bina edo hiruna olerki besterik ez dute, lekukotzat edo.

Arantzazu edozein aldetatik kantatu duten XIX. eta XX. mendeetako 87 bertsolari eta bertso-jartzaileak eta beraien 144 bertso sortak erakusten ditu ADK liburu sortaren IV. tomo honek. Bi mendeetako bertsolarien izen handien gehienak ageri dira tartean: Pello Errota, M. A. Imaz, B. Enbeita, Basarri, Lasarte, Lopategi, Sarasua anaiak, Eguskitze, etab. 

Arantzazuko Andre Mariaren irudiaren aurkikuntza eta ondorengo tradizio historikoa bertsotan kontatua eta kantatua biltzen du ADK liburu sailaren III tomo honek. Bertso-kopuru handiko hamar kondaira dira, beste hainbeste bertso-jartzailerenak: Aurrena 1834-1846koa, azkena 1956koa. Horien artean bereziki nabarmentzekoa da 1854ko Telleriarteko Plazaolaren“Gure Ama Birjina” sorta, 22 bertsokoa; herritar Arantzazu-zaleen artean oso zabaldua eta kantatua. Sortaren 20tik gorako aldaeren konparazio-azterketa zabala eskaintzen du.

 2003an argitaraturiko Arantzazuko Balada edo Kanta Zaharrakliburuaren gehiagarria eta osagarria da ADK saileko II. tomo hau. Igone Etxebarriak liburu horretan aztertu eta argitaratu zituenez baladez gain, Arantzazuko beste balada eta konpla zahar, edo horien aldaera, asko dago bilduta hemen, artxibo eta iturri ezberdinetatik jasoak, konparazio-lan kritiko xehe eta guzti.

ADK saileko hamar tomoetako lehenengo honek bi atal ezberdin ditu: 1. Arantzazuko literaturaren, “literatura arantzazuarraren”, historia xehea; 2. Arantzazuko artxiboko balada eta kanta zaharren bilduma eta sorten aurkezpena, eta bereziki REA/JK (Romances euskéricos de Aránzazu) koadernoaren jatorria eta deskripzio zehatza eta berorren kopia eta birkopia ugarien (eskuzkoen, daktilografiatuen eta fotokopiatuen) gorabeherak eta“genealogia”.

"Aparkalekura iritsi zirenean ikusi zituen lehendabiziko aldiz. Lotu gabe zeuden, jabearen aldamenean. Aita zarenean halako detaileak lehenago antzematen dira, egin zuen Jabik berekiko; babeserako bulkada hura, seigarren zentzumena omen da". 

Lale Sokolov tatuatzaile lanetan ari zen Auschwitz-Birkenaun. Zenbaki bana tatuatzen zien bera bezala suntsigai sartzen zirenei. Egun batean, tatuatzeko txandaren zain zegoen neska bat ikusi zuen, Gita, dardar batean, izuak goitik behera hartuta. Laleren bihotza maitasunez goritu zen instantean, eta erabaki irmoa hartu zuen: infernu hartatik biek bizirik atera behar zuten. Mundu osoko kritika eta irakurleen txaloak jaso dituen eleberri honek Holokaustotik bizirik atera ziren Lale eta Gita Sokolov judu eslovakiarren benetako historia du oinarri. Bai haien historiak, bai eleberri honek, itxaropenari eta maitasunaren indarrari egiten diote gorazarre argitsua.