Nouveaux livres - Liburutegia

15/02/2024 | 226

Auzo bizigarriak : etxebizitzatik hirira : Proiektuak 4ko ikasmateriala = Livable Neighborhoods : from Home to City : Teaching Materials for Architectural Design 4

Gure inguruan ez bezala, Europako hainbat herrialdetan askotariko auzo ereduak topa daitezke, Erresuma Batuan, Herbehereetan, Belgikan edo Suitzan, esate baterako. Esperientzia horietako batzuk argitalpen honetan jaso nahi izan dituzte. Auzo horiek lurzoruaren aprobetxamendu egokia egiten dute, eta horrez gain, ingurune bizigarriago bat eskaintzen dute. Auzokideei kanpo espazio pribatu zabalak eskaintzen zaizkie, auzo mailako zuzkidurak, espazio komun lasaiak, merkataritzarako espazioak, eta kasu askotan lanerako espazioak ere bai. Etxebizitza multzo horiek, giza eskala atsegin bat eta bizitza soziala ahalbidetzen duten espazio egiturak eskaintzen dituzte, esan bezala, lurzoruaren aprobetxamenduari uko egin gabe.
Gure lurraldeari begiratzen badiogu, bi hiri eredu nagusitu dira azken hamarkadetan. Herri txikietan dentsitate baxuko eredu suburbanoa gailendu da, familia bakarreko eta etxebizitza atxikiz osatutako auzo monofuntzionalak eraginez. Herri ertain eta handietan, berriz, dentsitate handiko etxebizitza blokeak nagusitu dira.

15/02/2024 | 245

Adostasunik gabe : burutazio deserosoak feminismo autonomotik

Herri txiki honetan esparru publikoa klase ertainen neurrira egina dago. Komunikabideen ekosistema organikoan mundu guztiak du bere tokia: alderdi eta sindikatuetako liberatuek, fundazioetako kideek, hirugarren sektoreko teknikariek, galdera ikusirik egiten ez duten kazetariek, esparru ezberdinetan aditu diren ezkerreko profesional liberalek, ezkerreko akademikoek, gatazka sektorialetako militante-buru zaharrek. Bakoitzak bere tokia dauka eta nahi duena esaten du, esaten duena espero dena den artean, eta deserosotasunik sortzen ez duen artean.
M15eko eztandan ez zen plazetako dinamika orokorra bultzatzeko gogorik izan. "Ziklo instituzionala" ireki zenean munizipalismo erradikalen aukerak azaldu ziren, eta ez zitzaion prozesu horri onespenik eman. Gaur egun, ez zaio ikastolen aferari aurre egiten eta euskarari bizkar emanez bizi diren bigarren belaunaldiko etorkinen egoerak suposatzen duenari ere ez.
Olatu feministaren gaineko kontrola ezarri nahi izan da hasieratik, mugimenduaren autonomia deuseztatuz bere botere propioa mugatuz.
Euskal ziklo politiko berri bat hastear dagoenean, ia inork ez du irakurketa kritikorik egiten, eta aurka egiteko jarrera oso eskasa da.
Kapitalismoaren zabaltzeak euskal erradikaltasuna guztiz ezabatzen duen bitartean, nostalgia zaborrera bota behar da eta eztabaidei lotsarik gabe eutsi.
Aurrez aurre, alaitasunez, konplexurik gabe, hori baita posizio politiko iraultzaile berriak sortzeko bide bakarra. Nerea Fillaten ahotsak bide horri eutsi nahi izan dio azken sei urte hauetan.

14/02/2024 | 218

Zer gertatu ote zitzaion Ana Garciari?

Zer gertatu ote zitzaion Ana Garciari? antzezlana infernuetara jaistea da, ondoren, ospatu egiteko. Kanpoaldeko gorputzen mendekua, jasotako indarkeriaren suntsidura, gorputzen ospakizuna, garrasia, barrea, amorrua, isilarazitako ahotsen berbak.
Anak eskutik helduta garamatza jakin dezagun zer gertatu zitzaion, guri zer gertatzen zaigun eta zabortegiko gorputzei, gaur altxatu eta kalera irten direnei, zer gertatzen zaien.

14/02/2024 | 211

Teresa del Valle, bidegile eta gidari

Teresa del Valleri buruzko liburu honetan bildutako artikuluak gaika antolatu ditugu. Antropologo horren lanaren lau zutabe garrantzitsuenak botere harremanak, hizkuntza-arazoa, antropologiaren begiekin ikusitako espazioa eta antropologiaren etorkizuna dira. Azken batean, Teresaren lan intelektual guztia irakurketa eta iradokizun agortezinen iturria da, eta bide berriak irekitzen ditu genero eta antropologia ikasketak ulertzeko.

14/02/2024 | 248

Xabier Lete : bertsorik sakonena

Liburu honek Leteren bizitzaren, garaiaren, eta obraren errepasoa egiten tu lehen hiru kapituluetan. Laugarrenean, bertsolaritzak Leterengan izan zuen eragina eta Leteren abestiek bertsogintzan izan dutena azaltzen dira xeheki.

09/02/2024 | 161

Estellerriko euskara : hegoaldeko goi-nafarrera : Estelleriko aldaera : hiztegia

Estellerriko euskararen hiztegiak gaur egungo ikasleei nahiz irakurleei eskura jartzen dizkie gure eskualdean gorde diren bertako euskararen lekukotasunak. Bi norabidetako hiztegia da, Estellerriko euskaratik estandarrera doana eta euskara estandarretik Estellerrikora, erabiltzaileak behar dituen kontsultak erosotasunez egin ditzan.

Honela, beraz, Estellerriko euskaltzaleok aspaldi beteta ikusi nahi genuen helburua gauzaturik ikusten dugu orain.

09/02/2024 | 346

Nazioa eta hizkuntza Humboldten pentsamenduan

Euskal Herrian nahiko ezaguna da Wilhelm von Humboldt, preseski asko eta begirune handiz idatzi duelako euskal nazioaz eta euskal hizkuntzaz; ohikoa da, horrenbestez, «euskaldunen adiskide» bezala ezaugarritzea. Ospe handiko humanista horren obra, betiere, ugaria, askotarikoa eta balio unibertsalekoa da; alde horretatik, garrantzitsua bezain esanguratsua da nazioak eta hizkuntzak, berez, aparteko lekua hartzen dutela haren pentsamendu orokorrean. Kontzeptu horiek, bestela esanda, oso presente daude haren ibilbide intelektual osoan, zuzenean eta zeharka, halako moldez non gero eta garbiago ikusten duen horiek elkarrekin ulertu behar direla: nazioa, izatez, hizkuntz komunitatea da. Gaurko euskaldunok ere, beraz, asko ikas dezakegu Humboldtekin: oinarrizko printzipio bat ekartzen digu gogora –hizkuntzak barrutik lotzen ditu gizakiak– eta gure arazoaren muina zehazten laguntzen digu —euskal arazoa funtsean nazionala da–.

09/02/2024 | 192

Nafarroako euskalkiak : Hegoaldeko goi-nafarrera : Odieta eta Olaibarko aldaera : hiztegia

XX. mendean Nafarroan galdu ziren hiru euskalkiak ditu langai "Lingua Navarrorum" bildumak: erronkariera, hegoaldeko goi-nafarrera eta zaraitzuera. Honela, irakurleak bere euskaran izan dezake hizkera hauetan idatzita geratu zaigun materiala hiztegi, irakurgai eta ikasliburutan aurkeztuta.

08/02/2024 | 206

Santa Kruz apaiza

Karlistaldian kokatutako kronika, Jaungoikoaren, foruen eta Euskal Herriaren alde borrokatu zen apaiz gerrillariaren ibileren berri ematen duena euskara ezin ederrago batean. Karmelo Landaren hitzaurreak liburuan kontatzen diren gertaeren tesuinguru historikoa ematen digu.

Karlistaldian kokatutako kronika. Apaiz gerrillariaren ibilerak. Jaungoikoa, foruak eta Euskal Herria helburu. Gure historiaren testigantza bizia.

08/02/2024 | 302

Maitemina

Nere Amak Maite du izena, baina benetan maite al nau? Nork nau ni maite? Maite zaituen norbaitek nola egin diezazuke hainbeste min? Eta maite al dezakezu hainbeste min egiten dizun norbait? Ez al dago Ama gorrotatzea gaizki? Hala dirudi, baina horrek ez du nere barreneko gorrotoa ezabatzen. Gorrotatzeko maite behar da, gorrotoa bera maitasunetik eratortzen delako. Amak bere maitasunarekin babesten nau, baina maitasun hori nere kaiola da.
Bere maitasunak mina eragiten dit.
Maitemina.

Nouveaux livres - Liburutegia

Novedades